Qaraǵandy oblysynyń ákimi úı jaldap turady

QARAǴANDY. QazAqparat - Buryn Aqtóbede jumys istegen Qaraǵandy oblysynyń qazirgi ákimi Nurmuhambet Ábdibekov Qaraǵandy qalasynda úı jaldap turady. Bul týraly ákim aımaqtyq ortalyq kommýnıkatsııalar qyzmetiniń brıfıngisinde QazAqparat tilshisiniń suraǵyna jaýap beoe otyryp, málim etken.

«Óz úıim joq. Qaraǵandyda úı jaldap turamyn», - degen Qaraǵandy oblysynyń ákimi suraqqa jaýap bere otyryp. Suraq negizinen «100 naqty qadam» Ult josparynyń 8-qadamyna, ıaǵnı, memlekettik qyzmetkerlerge beriletin qyzmettik baspanalarǵa qatysty bolǵan edi.

«Ókinishke oraı, oblys boıynsha qyzmettik baspana berilmeıdi. Kóptegen qyzmetkerler baspanany jaldap turady. Mysaly, ózge óńirlerden kelgen quqyq qorǵaýshylar da jaldamaly páterde turady. Eger qyzmettik baspana berse, qýanar edik, biraq, ázirge joq», - dedi ákim suraqtyń jaýabyn tolyqtyra kele.

Ákim eske salyp ótkendeı, memlekettik qyzmetkerlerge beriletin úı bıýdjet aıasynda qarastyrylý kerek. «Qyzmettiń úılerdiń ózi óte qarapaıym bolady. Kádimgi úı. Onda turǵan adam ishi-syrtynyń kerek jerin jóndeımiz dese óz erki. Buryn memlekettik qyzmetker úıin jekeshelendirip alatyn edi. Biraq, baspana ózinen ózi paıda bolmaıdy. Bıyl bólinetin qarjy aıasynda memlekettik qyzmetkerlerge bolmasa 20 páterdi biraq, jekeshelendirýge kelmeıtin páterlerdi salýǵa tyrysamyz», - dedi oblys ákimi.