Qaraǵandy oblysynyń ákimi sheneýnikterdi teatrǵa jıi barýǵa úndedi
85 jyldyq mereıtoıyn atap ótken Sáken Sáıfýllın atyndaǵy teatr sahnasynda sóz sóılegen oblys basshysy, sheneýnikterdi mádenı sharalarǵa barýdan tartynbaýǵa shaqyrdy.
«Búginde óńirimizde Elbasynyń «Rýhanı jańǵyrý» baǵdarlamasy belsendi júzege asyrylýda. Teatrlar da atalmysh jalpyulttyq jobany iske asyrýǵa, sanany jańǵyrtýǵa úles qosa alady. Eger sheneýnikter teatrlarǵa jıi baryp tursa, halyqtyń problemalaryn jiti sezinetin bolady. Sebebi teatr óneri asa názik sezimderdi damytady, ómirge úıretip, qandaı da bir áreketterdi oı eleginen ótkizýge negiz salady», - dedi Erlan Qoshanov.
Qaraǵandy oblystyq qazaq drama teatrynyń irgetasy 1932 jyly qalanǵan.1964 jyly teatrǵa Sáken Seıfýllınniń esimi berildi. Teatrdyń negizin qalaýshy ártister: QR eńbek sińirgen artısteri Z.Kóshkinbaev,Á.Sháımerdenov, T.Jabaev, QR halyq artısteri J.Shashkına, N.Atahanov.
Týyndylardy sahnalaýǵa B. Atabaev, M. Bekhojın, M. Baıserkenuly, A. Dúısebaev, J. Esenbekov, M. Qambarov, M. Qosybaev, A. Kúldanov, A. Mambetov, E. Obaev, G. Oganesıan, J. Omarov, A. Orazbekov, A. Sálimbaev, E. Tápenov, A. Toqpanov, T. Tuńǵyshbaev syndy rejısserlardyń qosqan eńbegi zor.
Teatr túrli saıystar men festıvaldarda úlken jetistikterge qol jetkizip keledi.