Qaraǵandy oblysynyń ákimi ardagerlerdi Jeńis kúnimen quttyqtady

QARAǴANDY. QazAqparat – Qaraǵandy oblysynda Ekinshi dúnıejúzilis sońystyń 13 qatysýshysy qaldy. Olardyń altaýy óńir basshysy Ermaǵanbet Bólekpaevtyń Jeńis kúnine arnalǵan saltanatty qabyldaýyna qatysty. Olardyń eń kishisi 96 jasta, eń úlkeni 100 jasta. Úıden shyǵa almaǵandar jeke quttyqtalady.

Merekege tyl eńbekkerleri, Lenıngrad blokadasynda bolǵandar jáne burynǵy kontslager tutqyndary shaqyryldy.

Nura aýdanynan oblystyń eń egde ájeıi Tumar Ysqaqova keldi. Ekinshi dúnıejúzilik soǵysqa qatysýshynyń jesiri 106 jasta. Onyń ózi erte jastan aýyr jumys istegen jan. Soǵys kezinde aýyldastarymen birge maıdanǵa sálemdemeler jınap, sarbazdarǵa shulyqtar men jyly zattar toqyǵan.

Ardagerlerdi áskerı úrmeli aspaptar orkestriniń mýzykasymen qarsy aldy. T. Bıgeldınov atyndaǵy Respýblıkalyq áskerı mekteptiń tárbıelenýshileri qurmetti qaraýyl qurdy. Zalda murajaı eksponattary men áskerı jabdyqtar kórmesi uıymdastyryldy.

«Sizderdi aldaǵy Jeńis kúnimen shyn júrekten quttyqtaımyn! Bul elimizdiń tarıhyndaǵy erekshe eske alý kúni. Bul bizdiń qaharmandarymyzdyń: atalarymyz ben ákelerimizdiń, ájelerimiz ben analarymyzdyń erligńne qurmet kórsetý kúni.

Bizge bul jeńis qanshalyqty qıyn kelgenin árqashan esimizde saqtaımyz. Sizderdiń teńdesi joq batyldyqtaryńyz ben qaısar rýhtaryńyzdyń, tabandylyqtaryńyz ben janqııarlyqtaryńyzdyń arqasynda biz beıbit elde ómir súrip jatyrmyz.

Bizdiń elimiz ben búkil adamzat úshin jasaǵan barlyq isterińiz úshin sizderge taǵzym jáne sheksiz rızashylyq bildiremiz. Sizderge jáne týystaryńyzǵa zor densaýlyq, uzaq ómir, baqyt pen amandyq tileımiz», – dedi ardagerlerge Ermaǵanbet Bólekpaev.

Qaraǵandy oblysy Ardagerler keńesiniń tóraǵasy Oraldy Tóreǵojın batyrlardy quttyqtady.

Ol Ekinshi dúnıejúzilik soǵystyń eki qatysýshysy – Grıgorıı Petrovıch Stepenko men Anna Nıkonorovna Kotovaǵa «Qaraǵandy oblysynyń qurmetti ardageri» tósbelgisin tabys etti.

«Men sizderdiń bárińizdi qurmetteımin! Eger meniń qolym jetse, bárińizdi qushaqtap alar edim. Qazirgi urpaq soǵystyń qasireti men aýyrtpalyǵyn eshqashan bilmeýin tileımin. Beıbit ómirdi saqtańyzdar. Biz kópultty elimizde tatý ómir súremiz», – dedi Grıgorıı Stepenko barshaǵa beıbitshilik pen jaqsylyq tilep.

Qarqaralydan kelgen tyl eńbekkeri Ázimbek Kárimov bata berdi. Onyń ákesi 1942 jyly maıdanǵa attanǵan. Al ol ózi bala kezinde dalada jumys istegen jáne mal baqqan. Tumar-apa barlyǵyna densaýlyq pen uzaq ómir tiledi.

«Tańerteń kóńil-kúıimniń bolmaı turǵanyna qaramastan, 200 shaqyrymǵa jınalyp, osynda keldim. Bul merekeni óz kózimmen kórgenime qýanyshtymyn. Bizge kórsetken qurmet úshin rahmet», – deıdi tyl eńbekkeri.