Qaraǵandy oblysynyń ákimdigi turǵyndarǵa úndeý jasady

QARAǴANDY. QazAqparat - Qaraǵandy oblysynyń ákimdigi óńir turǵyndaryn azyq-túlik tapshylyǵy bolady dep dúrbeleńge túspeýge shaqyrdy, dep habarlaıdy QazAqparat tilshisi.

Ákimdiktiń habarlaýynsha, osy aıdyń basynda oblystyń kommertsııalyq qoımalaryna 2 240 tonna azyq-túlik taýarlary kelip tústi. 18 naýryzǵa deıin taǵy 1 500 tonna keledi.

Sonymen qatar «Saryarqa» ÁKK turaqtandyrý qorynda 723 tonna bakaleıa ónimderi saqtalýda. Qoımalar únemi tolyqtyrylyp otyrady. Ol úshin qarjylyq resýrstar men kommertsııalyq kelisimsharttar bar.

Apta saıyn turaqtandyrý qorynyń rezervterinen sýpermarketter jelisi jáne áleýmettik pavılondar arqyly taýar ınterventsııasy ótkiziledi.

Qolda bar qorlar oblystyń qant, kúnbaǵys maıy, qaraqumyq jarmasy, kúrish jáne taǵy da basqa qajettilikterin qamtamasyz etý úshin jetkilikti.

«Áleýmettik mańyzy bar azyq-túlik ónimderi baǵasynyń negizsiz ósýine jol bermeý úshin qalalar men aýdandardyń kásipkerlik bólimderi saýda obektilerine tıisti sharalar qabyldanýda», - dep málimdedi Qaraǵandy oblysynyń kásipkerlik basqarmasynan.