Qaraǵandy oblysynyń Abaı aýdanynda kezekte turǵan úsh otbasy baspanaly boldy

QARAǴANDY. QazAqparat – Qaraǵandy oblysy Abaı aýdanynyń ıÝjnyı kentinde memlekettik qordan turǵyn úı alýǵa kezekte turǵan úsh otbasy páter aldy. Jańa qonystanýshylarǵa kilti jergilikti ákim Islambek Jumáldinov tabys etti, dep habarlaıdy QazAqparat.

«Bul úsh otbasy «kóp balaly otbasylar», «tolyq emes otbasylar» jáne «I jáne II toptaǵy múgedekter» sanattary boıynsha memlekettik qordan turǵyn úı alýǵa kezekte turdy. Olarǵa eki qabatty úılerden eki bólmeli páter berildi. Bul páterler bıyl bıýdjet qarajaty esebinen jóndeýden ótti. Páter kiltteri tabys etilgen úsh otbasy jańa baspanasyna qonystandy», – dedi Islambek Jumáldinov.

Gúlbaǵırash Omarova 2008 jyly jubaıymen jáne balalarymen birge ıÝjnyı kentine kóship kelgen. Sol kezden osy kúnge deıin otbasy páter jaldap turdy. Otanasy memlekettik qordan turǵyn úı alýǵa úsh jyl buryn kezekke turǵan. Sondyqtan osyndaı qysqa merzimde baspanaly bolam dep úsh uıyqtasa túsine kirmegenin aıtady.

«Bul biz úshin óte qýanyshty jáne kútpegen oqıǵa. Ótken jyly men kúıeýimnen aıryldym, balalarymmen jalǵyz ózim páter jaldap turý qıyn boldy. Eń kishi balam jeti jasta. Bizdiń jańa páterimizge bárinen de erekshe sol qýanyp júr», – dedi Gúlbaǵırash Omarova.