Qaraǵandy oblysynyń 41 myń turǵyny jumyspen qamtý sharalarymen qamtylady
Qaraǵandy oblysynda «Jastar tájirıbesi» baǵdarlamasy boıynsha 721 túlek jumysqa ornalassa, 2 959 adam qoǵamdyq jumystarǵa tartylady. Sondaı-aq, óńirde halyqtyń osal toptary úshin áleýmettik jumys oryndary qurylady. Barlyǵy 300 adam jumysqa ornalasady. Alǵashqy jumys orny 238 úmitkerge usynylmaq.
«Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasy boıynsha «Urpaqtar kelisimsharty» jobasy jumys isteıdi. Bul zeınetkerlik jasqa jetken jumys istep júrgen qyzmetkerdi keıinnen aýystyra otyryp, jumysqa ornalastyrý. Osy joba aıasynda óńirde bıyl 34 adam jumysqa ornalasady. Zeınet jasyna deıingi adamdardy jumysqa ornalastyrý úshin «Kúmis jas» jobasyn engizý 534 adamdy jumyspen qamtýǵa múmkindik beredi. Sondaı-aq, óńirde halyqtyń áleýmettik osal toptarynan shyqqan jastar arasynda konkýrstyq negizde granttar oınatyldy. Barlyǵy 755 grant qarastyrylǵan», – dep atap ótti jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Tóleý Muhtar.
Kásipkerlik belsendilikti arttyrý úshin 1 250 adamdy bıznes negizderine oqytý josparlanýda, 433 mıkrokredıt beriletin bolady. Búgingi tańda elektrondyq eńbek bırjasynda 4 188 bos jumys orny ornalastyrylǵan.
«Bos jumys oryndaryn tańdaý úshin jumyssyz ózi Enbek.kz portalyna kire alady nemese qalalar men aýdandardyń halyqty jumyspen qamtý ortalyqtary arqyly nemese kentter men aýyldyq okrýgterdiń ákimdikterinen bos oryndar týraly aqparat alý kerek», – dep qosty spıker.