Qaraǵandy oblysynyń 3 aýylynda órtke baılanysty tótenshe jaǵdaı jarııalanady
12:45, 20 Shilde 2023
ASTANA. QazAqparat – Qaraǵandy oblysyndaǵy dala órtine baılanysty 3 aýyldyq okrýgte tótenshe jaǵdaı jarııalanýy múmkin, dep habarlaıdy QazAqparat tilshisi.
«Qaraǵandy oblysy Shet aýdanyna qarasty Taldy, Aqshoqy, Aqsý-Aıýly aýyldyq okrýgteriniń aýmaǵynda 2023 jyldyń 14 shildesinen dala jáne orman órtteriniń oryn alýyna baılanysty jergilikti aýqymdaǵy tabıǵı sıpattaǵy tótenshe jaǵdaı jarııalansyn. Ony joıý boıynsha basshysy bolyp Shet aýdany ákiminiń orynbasary Dáýren Kársembaev taǵaıyndalsyn jáne osy sheshimnen týyndaıtyn tıisti is-sharalardy júrgizý tapsyrylsyn», - delingen Ashyq NQA portalynda jarııalanǵan Shet aýdanynyń ákimi Muhıt Muhtarovtyń sheshiminde.
Tótenshe jaǵdaı jarııalaýǵa baǵyttalǵan qujat erteń, ıaǵnı 21 shildeden bastap kúshine enedi.
Eske salaıyq, buǵan deıin Qaraǵandy oblysynda órt oqıǵalary jıilegenin jazyp edik.