Qaraǵandy oblysyndaǵy kolonııaǵa «Kamazben» esirtki ótkizbekshi bolǵandar ustaldy

QARAǴANDY. QazAqparat – Qaraǵandy oblysyndaǵy kolonııasynda «Kamaz» kóligi arqyly tyıym salynǵan zattardy tasymaldaý faktisiniń joly kesildi, dep habarlaıdy QazAqparat tilshisi.

13 mamyrda kolonııa aýmaǵyna kelgen 49 jastaǵy er adamnyń basqarýyndaǵy «Kamaz» markaly avtokóligin tekserý barysynda qoqys bagynyń konteıneriniń astynan tyıym salynǵan zattar, atap aıtqanda «TEXEL» markaly uıaly telefon, ósimdik tektes jasyl tústi zat, 20 dana aq tústi tabletka, erekshe ıisi bar untaq tárizdi zat tabyldy jáne tárkilendi.

Atalǵan fakti boıynsha Abaı aýdandyq PB jedel-tergeý toby shaqyrtyldy, tıisti saraptamalar taǵaıyndaldy, tergeý júrgizilýde.

«Aǵymdaǵy jyldyń basynan bastap Qaraǵandy oblysy boıynsha QAJD qyzmetkerleri oblys kolonııasynda tyıym salynǵan zattardy ótkizý áreketiniń 15 ret jolyn kesti»,-dep habarlady AK-159/18 mekemesiniń bastyǵy ádilet polkovnıgi Nuraly Dúısenbekov.