Qaraǵandy ​​oblysyndaǵy kenshilerdiń jalaqysy ósedi

QARAǴANDY. QazAqparat - Qaraǵandy ​​oblysynda kenshilerdiń jalaqysy kóteriledi, dep habarlaıdy QazAqparat ákimdikke silteme jasap.

Abaı kenishindegi qaıǵyly oqıǵadan keıin kenshiler kótergen máseleler sheshimin tappaq. 10 kún boıyna kelisim komıssııasy jumys istedi, onyń quramyna kásipodaq uıymdary, ár kenishten belsendiler, jergilikti atqarýshy organ ókilderi kirdi. Komıssııany Qaraǵandy oblysynyń ákimi Jeńis Qasymbek basqardy.

Aımaq basshysy Óńirlik kommýnıkatsııalar qyzmeti alańynda ótken tikeleı efırde kelisim komıssııasy jumysynyń qorytyndysyn baıandady.

«12 talap qoıyldy. Olardyń barlyǵy ádil. Men barlyq shahtalardy aralap shyqtym, kenshilermen kezdesýlerde barlyq tolǵandyratyn máselelerdi talqyladyq», – dep atap ótti Jeńis Qasymbek.

Kompanııa qandaı mindettemelerdi aldy:

- jyl saıyn 1 qańtardan bastap ınflıatsııa deńgeıiniń 100% kóleminde jalaqyny ındeksteýdi júzege asyrsyn;

- óndiristik-ekonomıkalyq kórsetkishter josparynyń oryndalýyna qaramastan aǵymdaǵy jyldyń jeltoqsan aıynda 13-shi eńbekaqy tóleýge;

- jeltoqsanda jalaqyny 15–17 paıyzǵa kóterý;

- kadr tapshylyǵyn joıý, ol úshin jeltoqsan aıynyń sońyna deıin normatıvti sandyq jáne shtattyq kesteni ázirlep, aı saıyn olar tolyq qamtylǵanǵa deıin keminde 100 adamdy jumyspen qamtý;

- jumys avtobýstaryn jańartý;

- 2018 jyldyń 1 qańtarynan keıin jumysqa ornalasqan qyzmetkerlerdiń demalys kúnderiniń sanyn kóbeıtýge;

- uzaq ýaqyt aýyrǵan adamdardyń eńbekke jaramsyzdyq paraǵyndaǵy tólemderdi 50 AEK-ke deıin arttyrý;

- shahtalarda tehnıkalyq aýdıt júrgizý jáne eskirgen jabdyqty paıdalanýdan shyǵarý;

- taý-ken-geologııalyq jaǵdaılarǵa baılanysty josparlaý tapsyrmalaryn túzetý.

Al eńbek qaýipsizdigi máselelerine qatysty jumys toby quryldy. Mamandar 1996 jyldan beri oryn alǵan apattardyń barlyǵyn tekseretin bolady. Taldaý negizinde is-sharalar jospary jasalýy kerek.

Zańnamadaǵy ózgerister úsh máseleni, sonyń ishinde zeınet jasyn tómendetýdi talap etedi. Olar boıynsha úkimetke hattar joldanyp, jumystar júrgizilýde.

– Kelisim komıssııasynyń jumysy aıaqtalǵna joq. Qabyldanǵan sheshimderdiń oryndalýyn ózim qadaǵalaıtyn bolamyn. Ol úshin aı saıyn kezdesip, eki jaqty tyńdaıtyn bolamyz, – dep sendirdi Jeńis Qasymbek.

Sondaı-aq oblys ákimi kenshiler qalalary – Abaı, Shahtınsk jáne Sarandy damytý josparlaryna da toqtaldy. Bul qalalarda turǵyn úı qurylysyn, joldar men áleýmettik nysandardy jóndeý, kóshelerdi abattandyrý jalǵasady.

Eske salaıyq, 7 qarasha kúni saǵat 08:24-te «ArselorMıttal Temirtaý» AQ Kómir departamentiniń «Abaı» shahtasynda metan gazy taraı bastaǵan. Bul ýaqytta shahtada 64 adam jumys istep jatqan, 54-i evakýatsııalandy. Apat saldarynan eki adam zardap shegip, alty kenshi qaza tapty. Zardap shekkender aýyr halde jansaqtaý bóliminde jatyr.

Prezıdent Qasym-Jomart Toqaev qaza tapqan shahterlerdiń jaqyndary men týystaryna kóńil aıtty. Sondaı-aq zardap shekken azamattardyń tezirek saýyǵyp ketýine tilektestik bildirdi.

Qazaqstan Premer-Mınıstri Asqar Mamınniń tapsyrmasy boıynsha Tótenshe jaǵdaılar mınıstri ıÝrıı Ilınniń basshylyǵymen oqıǵanyń mán-jaıy men sebepterin anyqtaıtyn memlekettik komıssııa quryldy.

Apat saldarynan qaza bolǵandar men zardap shekkenderdiń esimderi.

QR TJM basshysy ıÝrıı Ilın BAQ ókilderine arnalǵan brıfıngide apatqa qatysty qylmystyq is qozǵalǵanyn aıtty.