Qaraǵandy oblysyndaǵy eki eldi mekende qarasanǵa baılanysty karantın engizildi

NUR-SULTAN. QazAqparat – Іri qaradan qarasan aýrýynyń anyqtalýyna baılanysty Qaraǵandy oblysyndaǵy eki eldi mekende karantındik sharalar engizildi, dep habarlaıdy QazAqparat tilshisi.

«Shet aýdany Aqshoqy aýyldyq okrýgine qarasty Qyzyltaý jáne Aqbaýyr eldi mekenderinde qarasan aýrýy belgisimen iri qara mal ólgen. Osyǵan oraı, 11 maýsymda mamandar qarasan aýrýyn anyqtaý maqsatynda synama aldy. Qorytyndy boıynsha eki synamadan qarasan aýrýy rastaldy. Osynyń negizinde eki eldi mekenniń aýmaǵynda karantındik sharalar engizilsin», - delingen selolyq okrýg ákimi shyǵarǵan qaýlyda.

Karantın sharalary naqty belgilenbegen merzimge engizilgen.

Eske salsaq, sáýir aıynda Býrabaıǵa demalýǵa kele jatqan túrkistandyqtan túıneme tabylǵan edi.

Sondaı-aq, Túrkistan oblysynyń turǵynynan túıneme belgileri baıqaldy.