Qaraǵandy oblysyndaǵy Aqtoǵaı aýdany qalaı damıdy

QARAǴANDY. QazAqparat – Aqtoǵaı turǵyndaryna aýdandy damytý úshin qandaı jumystar josparlanǵany týraly aıtyldy. Sońǵy eki jylda aýdan «Aýyl – Elbesigi» baǵdarlamasy boıynsha belsendi damýda. Kósheler retke keltirilip, aýyldardaǵy áleýmettik nysandar men ınfraqurylym jóndelýde, dep habarlaıdy QazAqparat tilshisi.

«Bıyl Aqtoǵaı aýdanyna eldi mekenderdi abattandyrýǵa, joldardy jóndeýge qarajat bólemiz. Sapaly aýyz sýmen qamtamasyz etý máselesin sheshýdi

jalǵastyramyz. Shashýbaıdaǵy úılerdi qalpyna keltiremiz. Bul aýylda balalar men sport alańdaryn salamyz», – dedi Jeńis Qasymbek.

Aýdan ákimi Saltanat Ábeýovanyń aıtýynsha, Aqshı aýylynda bıyl jańa sý qubyryn tóseý jumystary aıaqtalady. Turǵyndar ortalyq sýmen qamtamasyz etiledi.

Budan basqa, TKSh men áleýmettik salada taǵy da birqatar jobalar belgilengen.

Aqtoǵaıda káriz jelileri salynyp, veterınarlyq pýnkt aıaqtalady. Kejek aýylynda sý qubyry jelileri salynýda.

Kezdesýde turǵyndarǵa bıylǵy jylǵa arnalǵan josparlar týraly da aıtyldy.

Onda Aqtoǵaıdaǵy stadıondy qaıta jańartý, ortalyq aýrýhananyń ınfektsııalyq bólimshesi men Qusaq aýylyndaǵy mádenıet úıine kúrdeli jóndeý jumystary júrgizildi. Sondaı-aq, toǵyz aýyldaǵy mektepter jóndeledi.

Aqtoǵaılyqtar elektrmen jabdyqtaý máselesin kóterdi. Bul máseleni sheshý úshin aýdan ákimdigi JREK menshigine jelilerdi berý boıynsha qujattardy daıyndaıdy.

Protsedýra tez júzege aspaıdy, biraz ýaqytty qajet etedi.

Turǵyn úı jáne jol salasynda da josparlar bar. Shashýbaıda birneshe bos qalǵan úıler bar. Bıyl alǵashqy bes qabatty ǵımarat qalpyna keltirilip, Saryshaǵan aýylyndaǵy aýlalar abattandyrylady. Aqtoǵaı – Qaraǵandy jolyn kezeń-kezeńmen jóndeý bastalady.

Oblys ákimi sondaı-aq azamattardy jeke máseleleri boıynsha qabyldady. Oǵan kásipkerler isti damytýǵa memlekettik granttar berý týraly ótinish bildirdi.

Jergilikti ártisterge kontsertter men baıqaýlarǵa barý úshin kólik kerek – halyq ujymdarynyń atynan bul ótinishti aýdan turǵyny Nurlan Qulshikenov jetkizdi.

Jeńis Qasymbek árbir ótinish boıynsha sheshim taýyp, pysyqtaýdy tapsyrdy.

Jumys saparynyń sońynda oblys basshysy kúrdeli jóndeý júrgizilgen ortalyq aýdandyq aýrýhanany aralap kórdi jáne qutqarýshylardyń sý tasqyny kezeńine daıyndyq týraly baıandamasyn tyńdady.