Qaraǵandy oblysyndaǵy 77 kóshege Abaı esimi berilgen
Qaraǵandy oblysynda Uly aqyn jáne oıshyl Abaıdyń 175 jyldyǵyna arnalǵan birqatar is-sharalar jalǵasýda. Qaraǵandyda kóshelerdiń birine aqynnyń esimi berildi, al Abaı qalasynda eskertkishi ashyldy.
Kósheniń ashylýy saltanatty túrde resmı tulǵalardyń jáne qala turǵyndarynyń qatysýymen kenshiler shaharynyń ortalyǵynda, Abaı eskertkishiniń aldynda ótti.
QR eńbek sińirgen óner qaıratkeri, Halyqaralyq Abaı klýby syılyǵynyń laýreaty Serik Aqsuńqaruly Abaıǵa arnalǵan óleń oqyp, eńbekteriniń qazaq halqy úshin mańyzdylyǵyn atap ótti.
«Men álemniń barlyq klassık aqyndarynyń shyǵarmalaryn oqydym: Pýshkın, Gete jáne basqalar. Biraq Abaı shyǵarmalary - bul bólek sheksiz shyǵarmashylyq tuńǵıyq. Búginde onyń barlyq derlik shyǵarmalary orys tiline aýdarylmaǵan. Abaıdy bilý úshin qazaq tilin úırený kerek dep esepteımin», - dedi ol
Kósheniń ashylýyna Dacia rýmyn etnomádenı ortalyǵynyń Jastar qanatynyń jetekshisi Aleksandr Ýrmashov keldi.
«Qalamyzda Uly oıshyl Abaıdyń esimimen atalatyn kósheniń paıda bolǵany óte jaqsy. Onyń eńbegi men úlesi búkil álemde moıyndalǵan. Bıyl Býharestte Abaı bıýstiniń ashylýy ótti. Bul Qazaqstannyń ulttyq jańǵyrýǵa degen umtylysyn búkil álem qoldaıtynyn bildiredi», - dedi Aleksandr Ýrmashov.
Qoladan quıylǵan bıiktigi on metrge jýyq Monýment Abaı qalasyndaǵy Mádenıet úıiniń aldyndaǵy alańda ornatyldy. Bul Abaı Qunanbaevtyń halyq aǵartý isine qosqan zor úlesi jáne basqa da kóptegen eńbekteri úshin kórsetilip otyrǵan qurmettiń belgisi.
Joba avtory - Qazaqstan Sýretshiler Odaǵynyń múshesi Beıbit Mustafın. Músinshi aqyndy tolyq boıyna saı, qolynda kitap jáne qashyqtyqqa qarap turǵan kúıinde beınelegen. Eskız konkýrstyq negizde iriktelip alyndy jáne eskertkishter men qurylystar jónindegi respýblıkalyq memlekettik komıssııamen bekitildi.
Eskertkishti quıýǵa 5,6 tonna qola jumsaldy. Bul fıgýrany Qazaqstan Sýretshiler odaǵynyń oblystyq fılıalynyń kombınatynda jasady.
Qaraǵandy oblysynda bul Abaıdyń segizinshi eskertkishi. Alǵashqy músinder 50 jyl buryn paıda boldy.
«Bıyl elimiz Uly Abaıdyń 175 jyldyǵyn atap ótýde. El prezıdenti Qasym-Jomart Toqaev atap ótkendeı, bul ulttyń rýhanı damýyna jáne halyqtyń birligine yqpal etedi. Bizdiń oblysta mereıtoılyq dataǵa arnalǵan júzdegen is-sharalar ótti. Búgin biz qazaq halqynyń danyshpan ulyna taǵy da qurmet kórsetýdemiz. Biz bárimiz Abaıdyń shyǵarmashylyǵyna jáne dana qara sózderinde súıene otyryp oqydyq. Onyń ósıetteri búgingi kúnge deıin ózekti. Bizdiń mindetimiz - osy baılyqty saqtap, ony keıingi urpaqqa jetkizý», - dedi óńir basshysy Jeńis Qasymbek Abaı qalasynda eskertkishtiń ashylý saltanatynda.
Eskertkishtiń ashylý saltanatyna qala turǵyndary men qonaqtar-QR Parlamenti Májilisiniń depýtattary, abaıtanýshylar qatysty.
«Abaı - ultymyzdyń bolashaqqa degen uly joly, rýhanııatymyzdyń altyn dińgegi. Qazaq halqynyń barlyq uly qasıetteri Abaıdyń murasynda, onyń dana oılarynda jatyr. Intellektýaldy jáne bilimdi ultty qalyptastyrý, sanany jańǵyrtý – munyń bári Abaıdyń rýhanı murasynyń qazynasyn bilýge múmkindik beredi. Onyń danalyǵy árbir adamnyń júregine meıirimdilik uıalatady», - dep atap ótti QR eńbek sińirgen qaıratkeri Amanjol Áltaev.
Aýdandyq mádenıet úıiniń alańy kórkeıe tústi. Aýmaq «Jumyspen qamtýdyń jol kartasy» baǵdarlamasy boıynsha abattandyryldy. Sýburqaqtar, rotýndar jáne MÚ qasbeti jóndeldi. Qyrly tas aýystyryp, zamanaýı shamdar, oryndyqtar, qoqys jáshikteri ornatyldy.
Bul kúni Abaıda jergilikti aqyndardyń «Abaı jaqqan bir sáýle...» atty jınaǵynyń tusaýkeseri ótti. Sondaı-aq, Muhtar Áýezovtiń álemniń 18 tilindegi «Abaı joly» roman-epopeıasynyń dıskili jınaǵy usynyldy. Kitaptardy tsıfrlaý Shahtınsk qalasynyń ortalyq kitaphanasymen birlesip júrgizildi.
Qaraǵandy oblysynda Abaı 175 jyldyǵyna oraı kórmeler, mánerlep oqý baıqaýlary, ǵylymı-tájirıbelik konferentsııalar, chellendjder jáne basqa da is-sharalar ótkizildi. Mereıtoıǵa oraılastyrylǵan spektaklderdi qazaq jáne orys drama teatrlary qoıdy.
Oblysta qala, 77 kóshe jáne 12 mekeme Abaı esimimen atalady.