Qaraǵandy oblysyndaǵy 100-den asa eldi mekenge gaz tartylady
«7-20-25» baǵdarlamasy boıynsha, qazirgi ýaqytta jekemenshik qurylys júrgizýshilerdiń jobalarynyń pýly quryldy. Úsh jyldyń ishinde 4 myń páterlik 23 jobany iske asyrý jumystary qolǵa alynyp otyr. Jyl sońyna deıin atalǵan baǵdarlama boıynsha - 325, al kelesi jyly 1 myńnan asa páter paıdalanýǵa beriledi. Qazirgi ýaqytta turǵyndardan 104 ótinish qabyldanyp, olardyń 68-i boıynsha bankter oń sheshim shyǵardy», - dedi E.Qoshanov búgin Astanada ótken baspasóz máslıhatynda.
Aımaq basshysy sonymen birge, kelesi jyly oblystyq bıýdjetten 700-den astam otbasyna turǵyn úı sertıfıkattaryn berý úshin 1 mlrd teńge qarajat bólý josparlanyp otyrǵanyn tilge tıek etti.
«Ekinshi bastama boıynsha, kelesi jyldan bastap aımaqta salyq kólemin tómendetý esebinen 80 myń turǵynnyń jalaqysy 9 paıyzǵa ósedi. Al úshinshi bastamaǵa keler bolsam, Qaraǵandy qalasynda qazirgi ýaqytta 84 myń stýdent jastar bar. Bul rette, jataqhanalar tapshylyǵy 2350 oryndy qurap otyr. Bıylǵy jyldyń ishinde bosap turǵan ǵımarattardy jańǵyrtý esebinen kolledj stýdentteri 850 orynmen qamtamasyz etiledi. Qalǵan qajettilikti eki jyl ishinde 4 jańa jataqhanany salý esebinen jabatyn bolamyz», - deıdi ol.
Al tórtinshi áleýmettik bastama negizinde shaǵyn nesıeleýdiń aýqymyn keńeıtý úshin alǵash ret 5,7 mlrd teńge qarajat bólinip otyr. Negizgi basymdyq alys ornalasqan jáne aýyldyq aýdandarǵa berilgen. Osylaısha, bir jarym myń jańa bıznes ashylyp, 2250 jumys orny qurylatyny kózdelgen.
«Besinshi bastama - gazdandyrý máselesi. Gaz qubyrynyń 1100 shaqyrymynyń 840 shaqyrymy Qaraǵandy oblysynyń aýmaǵy arqyly ótetin bolady. 100-den asa eldi mekenge gaz beriledi. Mıllıonǵa jýyq adamnyń turmys jaǵdaıy jaqsarady. Bul degenimiz oblys halqynyń 70 paıyzy. Aýyldyq eldi mekenderge gaz tartý arqyly analarymyz ben apalarymyz pesh jaǵýdyń beınetinen qutylady. ıAǵnı ómir sapasy anaǵurlym jaqsaratyn bolady. Al bizdiń, ıaǵnı, jergilikti atqarýshy organdarynyń aldynda turǵan basty mindet - gaz taratý júıelerin salý bolyp tabylady. Birinshi kezeń - Qaraǵandy, Temirtaý, Jezqazǵan qalalary úshin jobalaý jumystaryn iske asyrý sharalary qazirgi ýaqytta aıaqtalýǵa jaqyn. Jalpy gaz qubyryn salý jumystary 2019 jyldyń basynda iske asyryla bastaıdy», - dep túıdi Erlan Qoshanov.