Qaraǵandy oblysynda jumyrtqa óndirisi qarqyn alady

QARAǴANDY. QazAqparat – Buqar jyraý aýdanyndaǵy ótken jyly jumysyn qaıta bastaǵan qus fabrıkasyn jańartýǵa 1 mlrd teńgeden astam qarjy salyndy, dep habarlaıdy QazAqparat oblys ákimdiginiń saıtyna silteme jasap.

Buqar jyraý aýdany Doskeı aýylyndaǵy «Maıqudyq jumyrtqalary» qus fabrıkasynyń aınalymy artyp keledi. Óndiristi jańǵyrtýǵa mıllıard teńgeden astam qarjy salynyp, kásiporyn ótken jyly jumysyn qaıta bastady. Oblys ákimi Ermaǵanbet Bólekpaev fabrıkaǵa baryp, damý josparymen tanysty.

Óńir basshysyna málim etilgendeı, kásiporyn Qaraǵandynyń saýda jelilerine arzan baǵamen jumyrtqa jetkizedi jáne aldaǵy ýaqytta kólemin ulǵaıtýdy josparlap otyr. Óndiris qýattylyǵy – jylyna 100 mln dana jumyrtqa jáne shamamen 600 myń taýyq.

Qus fabrıkasynda jumyrtqalardy tasymaldaıtyn avtomattandyrylǵan júıe qoldanysqa engizilgen. Ol qolmen jasalatyn jumysty azaıtýǵa múmkindik berip otyr. Ónerkásiptik tsehtardan jumyrtqalar avtomatty transporter boıynsha suryptaýǵa túsedi.

Balapandar shyǵarý úshin jańa jeliler men ınkýbatsııa tsehyn iske qosý josparlanǵan. Kásiporynda qazir 100 adam jumys isteıdi. Óndiristi keńeıtý qosymsha jumys oryndaryn ashýdy qamtamasyz etedi.

Foto: gov.kz