Qaraǵandy oblysynda jol jóndeýge bólinetin qarjy 4,5 mlrd. teńgege deıin ulǵaıtyldy

QARAǴANDY. QazAqparat - Qaraǵandy oblysynda respýbıkalyq bıýdjetten jol jóndeýge bólinetin qarjy 900 mıllıonnan 4 jarym mıllıard teńgege deıin  arttyryldy, dep habarlady «QazAqparat» HAA tilshisi.

«Jyl saıyn sońǵy jyldary joldy ortasha jóndeý jumystaryna respýblıkalyq bıýdjetten 900 mln teńge bólinip kelgen. Al bıyl biz Úkimetti bul soma jetpeıtinine sendirdik. Búgin 4 jarym mıllıon teńge bólindi»,  - degen qýanyshty habaryn jetkizdi jýrnalıstermen kezdesýde Qaraǵandy oblysynyń ákimi Erlan Qoshanov.

Ákim keı joldar on jyldap jóndeý kórmegenin aıtyp ótti.

«Jaǵdaıdy taldaý barysynda biz qarjyny birneshe esege kóbeıtip, 600 shaqyrym joldy jóndeýdi qolǵa alýdy sheshtik. Taıaý kúnderi Qaraǵandy-Jezqazǵan, Jezqazǵan-Qyzylorda, Qaraǵandy-Qarqaraly joldarynda jumys bastalady. Jezqazǵan, Temirtaý, Sátpaev, Balqash, Sortırovka, Prıshahtınsk, Maıqudyqta qalaishilik joldar jóndelip jatyr», - dedi ol.

  Ákim jyl aıaǵyna deıin barlyq jol aqaýlaryn joıýǵa ýáde berdi.