Qaraǵandy oblysynda jol kólik oqıǵasynan 6 adam qaza tapty

QARAǴANDY. QazAqparat - Qaraǵandy oblysynda jol kólik oqıǵasynan 6 adam qaza tapty, dep habarlaıdy QazAqparat ІІM-ne silteme jasap.

«20 maýsym kúni saǵat 18.15 shamasynda respýblıkalyq mańyzy bar Almaty-Ekaterınbýrg tas jolynda, Qaraǵandy qalasyna 20 shyqyrym jetpeı, «Taıota kamrı» jáne «Nıssan» avtokólikteriniń qatysýymen jol kólik oqıǵasy boldy.

Jol kólik oqıǵasynyń saldarynan 6 adam, onyń ishinde eki kóliktiń júrgizýshileri alǵan dene jaraqattarynan sol jerde qaıtys boldy. Eki kámelettik jasqa tolmaǵan bala ártúrli jaraqattarmen aýrýhanaǵa jetkizildi», - dep jazdy vedomstvodan.

Atalǵan fakti polıtsııada tirkelip, tıisti saraptamalar taǵaıyndaldy. Qorytyndysy boıynsha naqty protsessýaldyq sheshim qabyldanatyn bolady.

Qaraǵandy oblysynyń polıtsııa departamenti júrgizýshilerden jol júrý erejelerin qatań saqtap, jyldamdyqty shekten tys asyrmaýdy suraıdy.