Qaraǵandy oblysynda jol apatynan jas jigit qaza tapty

QARAǴANDY. QazAqparat – Qaraǵandy-Abaı tas jolynda 22 jastaǵy jigit kóz jumdy. Onyń kóligine qarsy jolaqqa shyǵyp ketken taǵy bir jeńil kólik soqtyǵysqan, dep habarlaıdy QazAqparat tilshisi.

Apat keshe saǵat 17.00 shamasynda Qaraǵandy – Abaı tas jolynda oryn aldy. Jol polıtsııasynyń qyzmetkerleri jol-kólik oqıǵasyts «Toıota» kóliginiń júrgizýshisi uıyqtap ketip, qarsy jolaqqa shyǵyp ketkendikten bolǵan dep boljaıdy.

Aldyn ala málimet boıynsha, «Toıota» avtokóliginiń 36 jastaǵy júrgizýshisi rýlde uıyqtap ketip, qarsy qozǵalys jolaǵyna shyǵyp ketken. Saldarynan 22 jastaǵy júrgizýshiniń basqarýyndaǵy «Aýdı» avtokóligimen soqtyǵysqan», - dep túsindirdi Qaraǵandy oblysy PD baspasóz qyzmeti.

Oqıǵa ornynda 22 jastaǵy «Aýdı» júrgizýshisi kóz jumdy. Polıtsııada jol-kólik oqıǵasy tirkelip, tergeý bastaldy.

Polıtseıler uzaq jolǵa shyǵatyn júrgizýshilerge jolda toqtap, demalý kerektigin eskertedi. Óıtkeni, siz óz ómirińiz úshin ǵana emes, sonymen qatar basqa jol qozǵalysyna qatysýshylardyń ómiri úshin de jaýap beresiz.