Qaraǵandy oblysynda jergilikti mańyzy bar joldardy jóndeý bastaldy

QARAǴANDY. QazAqparat - Qaraǵandyda aldaǵy ýaqytta barlyq aýlalar retke keltirilmedi. Oblysta jergilikti mańyzy bar joldardy jóndeý jumystary bastaldy. Bul týraly óńir basshysy Erlan Qoshanov halyqpen eseptik kezdesýinde málimdedi, dep habarlaıdy QazAqparat.

«Jaqynda Memleket basshysy «jol tek turǵyndardyń úılerine deıin jetkende ǵana salynǵan» dep tanylady degen bolatyn. Úıimizden shyqqan bette kóretinimiz úıdiń mańyndaǵy aýla. Tek oblys ortalyǵynda ǵana 300 aýla bar. Ótken jyly 100 aýlany jóndeýden ótkizip, aldaǵy eki jylda taǵy da 200-i abattandyrylady. Jalpy «óńirde 2018 jyly 250 aýla aýmaǵyn abattandyrdyq. Sondaı-aq, ótken jyly jergilikti mańyzy bar joldardy jóndeýden ótkizý jumystary eki ese kóp ótkizildi - 2017 jyly 370 shaqyrym bolsa, 2018 jyly 800 shaqyrym jol jóndelgen, - dedi oblys ákimi Erlan Qoshanov.

Óńir basshysynyń aıtýynsha, jalpy oblys boıynsha 1 200 shaqyrymnan astam avtomobıl joldary jóndelgen, ol 2017 jylǵa qaraǵanda bir jarym ese artyq. Osy jobalardyń arqasynda 2 500-den astam adam jumysqa ornalasty.

«Ortalyq-Ońtústik» kólik dálizin qaıta jańartý jalǵasýda. Temirtaý - Qaraǵandy ýchaskesiniń avtobany paıdalanýǵa beriledi. Kóktemde Qaraǵandy-Balqash 4 jolaqty avtobanynyń qurylysy bastalady», - dedi Erlan Qoshanov.

Ákimniń aıtýynsha, bıyl Qaraǵandynyń aınalma jolyn ashý josparlanyp otyr. Bul jobanyń quny 35 mlrd teńge. Ol jańa jol kólik aǵyndaryn jeńildetýge jáne ekologııany jaqsartýǵa múmkindik beredi.

Aıta keterligi, Qaraǵandy arqyly táýligine 22 myń tranzıttik kólik ótedi.