Qaraǵandy oblysynda jergilikti qamtýdy damytý máseleleri birlesip sheshilmek
Óńir basshysy Jeńis Qasymbek «Qazaqmys» Korporatsııasy men shaǵyn jáne orta bıznes ókilderiniń qatysýymen onlaın-keńes ótkizdi. Satyp alý jaǵdaıy men is júzinde bar problemalar talqylandy.
«Taýar óndirýshilerdi qoldaý jáne jergilikti qamtýdy damytý maqsatynda 2021 jyldyń basynda oblys ákimdigi men «Qazaqmys» korporatsııasy arasynda yntymaqtastyq týraly memorandýmǵa qol qoıyldy. Kompanııa bir jyl ishinde jergilikti kásiporyndardy 20,7 mlrd teńge somaǵa tapsyryspen qamtamasyz etýge mindetteme aldy. Birinshi jartyjyldyqta 11,4 mlrd teńgege kelisimsharttar
jasaldy», - dep habarlady ónerkásip jáne ındýstrııalyq-ınnovatsııalyq damý basqarmasynyń basshysy Murat Qydyrǵanbekov.
Birinshi jartyjyldyqtyń qorytyndysy boıynsha «Qazaqmys» satyp alýynyń jalpy somasy taýarlar boıynsha 111 mlrd teńgeni qurady. Otandyq qamtýdyń úlesi – 51,2%.
Taldaý belgili bir taýarlar boıynsha ımportty almastyrý múmkindigi jáne qaraǵandylyq kásiporyndardy júkteý úshin ósý rezervteri bar ekenin kórsetti.
Jergilikti óndirýshilerdi qoldaýǵa daıyn ekendikterin «Qazaqmys korporatsııasy» JShS saýda úıiniń dırektory Ánýar Saqaev málimdedi.
«Korporatsııa elimizdiń jer qoınaýyn paıdalaný týraly Zańyna sáıkes barlyq mindettemelerdi oryndaıdy. Ákimdikpen memorandýmǵa qol qoıdyq jáne jergilikti taýar óndirýshilermen jumysty kúsheıtýge nıettimiz», - dep sendirdi ol.
Onlaın-kezdesýde ónerkásipshiler metallýrgııada suranysqa ıe bolýy múmkin ónimderdi óndirý boıynsha ózderiniń birqatar jobalaryn usyndy.
Bıliktiń ustanymy ózgerissiz qalady: aımaqta jumys jasasańyz – jergilikti taýarlardy satyp alasyz.
«Korporatsııa jyl sońyna deıin Qazaqstandyq qamtý úlesin ulǵaıtýy qajet. Biz úshin bul óte mańyzdy, ásirese pandemııa kezinde. Biz halyqty jumyspen qamtýymyz kerek. Eger sapasy men baǵasy boıynsha sáıkes keletin uqsas otandyq taýar bolsa, sheteldik ónim alý tıimsiz. Óńirdiń ónerkásiptik kásiporyndarynda qaraǵandylyq patrıotızm bolýy tıis», - dep atap ótti Jeńis Qasymbek.