Qaraǵandy oblysynda Jeńis Kúni qarsańynda ardagerlerge jalpy somasy 320 mln. astam teńge kómek kórsetiledi
«Jeńis kúninen bastap ýaqyt ótken saıyn adamzat tarıhy sizderdiń erlikterińizdi barynsha tereńirek túsine tústi. Bul ómirge, Otanǵa degen sheksiz mahabbat pen erjúrektiliktiń úlgisine aınaldy. Qandy da qasiretti shaıqasta jaýǵa taısalmaı qarsy shyǵyp, erlik men qaharmandyq kórsetip, bizge jeńisti tartý ettińizder, - dep bildirdi óńir basshysy ardagerlerge degen izgi nıetin.
Ol el Prezıdentiniń Qazaqstan halqy Assambleıasynyń XXI sessııasynda aıtqan sózin eske salyp ótti: «Sonaý zulmat jyldary Jeńis úshin Uly Otan soǵysynda bizdiń halqymyz, barlyq TMD halqy jandaryn pıda etip, uly qurbandyqqa barǵandaryn máńgi este saqtaýymyz qajet. Bul árbir jańa urpaqqa tárbıe berý turǵysynan úlken sabaq bolýy tıis».
Ótken jyly Kýrsk túbindegi jeńistiń 70 jyldyǵy atap ótildi. Bul kúni 35 qaraǵandylyq estelik medalǵa laıyq dep tanyldy. «Onyń 34-i nagradasyn aldy. Qabyldaý barysynda B. Ábdishev osy shaıqasqa qatysqan Qamal Dúısebekovke «Kýrsk shaıqasyna 70 jyl» medalin tabys etti», delingen habarlamada.
Oblysta Jeńis kúnine oraı ardagerlerge jalpy somasy 320 mln. teńge birjolǵy materıaldyq jáne áleýmettik kómek kórsetilmekshi. Atqarýshy bılik soǵys ardagerleriniń úıine kúrdeli jóndeý júrgizip, birqatar áleýmettik problemalaryn sheshpek, onyń ishinde medıtsınalyq qyzmet kórsetiledi jáne dári-dármekter beriledi.
Sóz alǵan ardagerler jasaǵan qamqorlyqtary men kórsetip jatqan qurmetteri úshin alǵys sezimderin aıtty. Olar barlyq qazaqstandyqtardyń ál-aýqatyn jaqsartýǵa baǵyttalǵan Memleket basshysynyń erekshe qoldaýyna rızashylyqtaryn bildirdi.
Barlyq qatysýshylarǵa baǵaly syılyqtar men gúl shoqtary berildi.
1 sáýirdegi derekter boıynsha Qaraǵandy oblysynda 454 Uly Otan soǵysynda qatysýshylar men múgedekter, 939 olarǵa teńestirilgen adamdar, 19694 tyl eńbekkerleri, soǵys jyldary keminde 6 aı jumys istegen eńbekkerler turady.