Qaraǵandy oblysynda jedelsatylar jóndeledi

QARAǴANDY. QazAqparat - Aldaǵy eki jylda óńirdegi barlyq jumys istemeıtin jáne apattyq jaǵdaıdaǵy jedelsatylar jóndelýi tıis. Qaraǵandy oblysynyń ákimi Jeńis Qasymbek apparattyq jıynda osyndaı tapsyrma berdi, dep habarlaıdy QazAqparat tilshisi.

«Oblystaǵy kópqabatty úılerde 1 341 lıft ornatylǵan. Olardyń kóbisiniń jumys istep turǵanyna 25 jyldan asqan, ıaǵnı normatıvtik merzimi ótip ketken. Oblysta 361 jedelsaty jumys istemeıdi – bul tym kóp. TKSh modernızatsııalaý baǵdarlamasyna saı, 2011 jyldan bastap búginge deıin 102 jedelsaty ornatyldy, biraq olardyń keıbiri jumys istemeıdi. Osy máseleni sheshý kerek», - dedi aımaq basshysy.

Ol TKSh modernızatsııalaý jáne damytýdyń qazaqstandyq ortalyǵymen kelisimge kelgenin málim etti. Kompanııa qaıtarymdy negizde eki mıllıard teńge bólýge daıyn.

Jeńis Qasymbek ákimderge azamattarmen kezdesýdi jáne birinshi kezekte jóndeý men aýystyrýdy qajet etetin jedelsatysy bar úıler tizimin jasaýdy tapsyrdy.

2020 jáne 2021 jyldary óńirde barlyǵy 186 jańa jedelsaty ornatý josparlanýda. Olardyń 84-i Qaraǵandyda, 86-sy Temirtaýda, úsheýi Balqashta jáne tórteýi Jezqazǵanda. Sondaı-aq jańa jedelsatylar Saranda, Sátbaevta, Abaıda jáne oblystyń basqa da qalalarynda paıda bolady.