Qaraǵandy oblysynda «Jasyl el» jasaqtary bıyl 100 gektardan astam jerdi qoqystan tazartqan

QARAǴANDY. QazAqparat – Qaraǵandyda «Jasyl el» jasaǵynyń eńbek maýsymy aıaqtaldy. Joba jastardy jumysqa ornalastyrýǵa baǵyttalǵan, dep habarlaıdy QazAqparat tilshisi.

Bıyl otrıadta 14 pen 28 jas aralyǵyndaǵy 320 adam jumys istedi. Olar gúl otyrǵyzyp, sýaryp, qoqys jınap, abattandyrýmen aınalysty.

Úzdik jaýyngerler syılyqtarmen jáne alǵys hattarmen marapattaldy.

«Jasyl jasaq» qandaı paıda ákelgeni týraly Qaraǵandy qalasynyń Jastar resýrstyq ortalyǵynda aıtyp berdi.

Jaýyngerler 120 myńnan astam bir jyldyq gúlder otyrǵyzdy. Sodan keıin ósimdikterdi baptap, kútip, sýaryp otyrdy, aramshópterin juldy. Jasaq músheleri jalpy aýmaǵy 100 gektardan astam jerde qoqys jınady. Sondaı-aq oryndyqtar men qoqyssalǵyshtardy retke keltirdi.

Maýsym boıy jaýyngerler múmkindiginshe jastardy jasyl qozǵalysqa tartý úshin ekologııalyq aktsııalarǵa qatysty.