Qaraǵandy oblysynda jastardy jumyspen qamtý boıynsha qandaı sharalar qabyldanýda
Olardyń barlyǵy ártúrli jaǵdaılarǵa baılanysty jumys istemeıdi jáne oqymaıdy. Osy jyldyń birinshi toqsanynyń qorytyndysy boıynsha NEET deńgeıi 9,9%-dy quraıdy, bul 2020 jyldyń uqsas kezeńimen salystyrǵanda 2%-ǵa tómen, dep habarlaıdy QazAqparat tilshisi.
Óńirlik kommýnıkatsııalar qyzmetiniń platformasynda ótken onlaın-brıfıngte jastar saıasaty máseleleri basqarmasynyń basshysy Birjan Álimjanov NEET sanatyndaǵy jastar sanyn azaıtý boıynsha qabyldanyp jatqan sharalar týraly aıtyp berdi.
«Biz konsýltatıvtik jáne túsindirý jumystaryn júrgizdik, qalalar men aýdandar bólinisinde NEET jastary týraly aldaǵy is-áreketter úshin qajettilikter men usynymdar egjeı-tegjeıli sıpattalǵan taldamalyq qujat daıyndadyq. Búgingi kúni derekter bazasynda tirkelgen jas azamattardy jumysqa ornalastyrý, oqytý boıynsha jumys júrgizilýde», – dep atap ótti Birjan Álimjanov.
Ótken jyly basqarma «Uıymdastyrylmaǵan jastarmen jumys isteýge baǵyttalǵan is-sharalardy uıymdastyrý (NEET úlesi)» jobasyn iske asyrdy. Joba aıasynda myńdaǵan jumyssyz jastarǵa saýalnama júrgizildi, NEET derekter bazasynda tirkelgen jastardyń qatysýy qamtamasyz etilgen eki onlaın-bos jumys oryndary jármeńkesi, uıymdastyrylmaǵan jastar jınalatyn oryndar boıynsha reıdter, konsýltatıvtik jáne túsindirý jumystary, áleýmettik jelilerdegi tanymal paraqshalardaǵy memlekettik baǵdarlamalar men jobalar týraly semınarlar, áleýmettik jelilerde jáne jergilikti telearnalarda beınerolıkter ázirlendi jáne kórsetildi.
«Júrgizilgen jumys nátıjesinde NEET-jastar úlesiniń tómendegeni baıqalady. Osy jyldyń birinshi toqsanynyń qorytyndysy boıynsha NEET deńgeıi 9,9%-dy quraıdy, bul ótken jyldyń uqsas kezeńimen salystyrǵanda 2%-ǵa tómen. Jastardyń jumyssyzdyq deńgeıi de tómendedi. Toqsan qorytyndysy boıynsha ol 4%-dy qurady. Qaraǵandy oblysynyń kórsetkishteri respýblıka boıynsha ortasha bolyp tabylady. Biz osy baǵytta kúsheıtilgen jumysty jalǵastyrýdy josparlap otyrmyz», - dep atap ótti Birjan Álimjanov.