Qaraǵandy oblysynda jasóspirim anasyna shabýyl jasaǵan uryny vıdeoǵa túsirip alǵan

QARAǴANDY. QazAqparat - Qaraǵandy oblysynyń Qarqaraly qalasynda er adam áıelge óz úıiniń aýlasynda shabýyl jasady. Shabýyl sátin jábirlenýshiniń uly vıdeoǵa túsirip aldy, dep habarlaıdy QazAqparat tilshisi.

Tapa-tal túste belgisiz er adam 51 jastaǵy Qarqaraly turǵynyna shabýyl jasaǵan. Úıiniń aýlasynda qaskúnem áıeldiń basyna birneshe ret soqqy bergen. Osy ýaqytta áıeldiń uly bul jaıtty kameraǵa túsirip, adamdardy kómekke shaqyrǵan.

Qylmyskerdiń nelikten shabýyl jasaǵany áli belgisiz. Ony qazir polıtsııa izdestirip jatyr.

«Belgisiz azamattyń Qarqaraly aýdany turǵynyna qatysty jasalǵan shabýyl deregi polıtsııada tirkeldi.

Qazirgi ýaqytta polıtsııa qyzmetkerleri kúdiktini anyqtaý jáne ustaý boıynsha keshendi jedel-izdestirý is-sharalaryn júrgizip jatyr», - dep málim etti Qaraǵandy oblysynyń PD baspasóz qyzmeti.