Qaraǵandy oblysynda jańa kadrlyq taǵaıyndaýlar boldy
Jekeleı alǵanda, Jumasultanov Ǵalym Ázirhanuly konkýrstyq irikteý arqyly Qaraǵandy oblysy ónerkásip jáne ındýstrıaldy-ınovatsııalyq damý basqarmasynyń basshysy bolyp taǵaıyndaldy.
Ol 1962 jyly dúnıege kelgen. Eki joǵary bilim bar, Qaraǵandy polıtehnıkalyq ınsıtýtyn jáne Qaraǵandy memlekettik ýnıversıtetin bitirgen. Mamandyǵy boıynsha óndiristik transport ınjeneri, ekonomıst.
Eńbek jolyn 1984 jyly Qarmetkombınatta dıspetcher bolyp bastaǵan.
1986 jyldan 1995 jylǵa deıin aǵa ınjener, №1 Qaraǵandy avtobýs parkiniń bólim basshysy laýazymynda qyzmet etken.
«NK SPK «Sary-Arqa» AQ basqarýshy dırektory laýazymyn ıelengen.
2008 jyldan bastap búginge deıin kásipkerlik jáne ónerkásip basqarmasy basshysynyń orynbasary, ónerkásip jáne ındýstrıaldy-ınnovatsııalyq damý basqarmasy basshysynyń orynbasary laýazymynda boldy.
Sonymen qatar, Kárimov Aıdar Jaqypuly konkýrstyq irikteý negizinde oblys ákimi apparatynyń MSB jáne óndiristi damytý bóliminiń basshysy laýazymyna taǵaıyndaldy.
Kárimov A.J. 1986 jyly dúnıege kelgen. Joǵary bilimdi, Qaztutyný odaǵy Qaraǵandy ekonomıkalyq ýnıversıtetin bitirgen. Mamandyǵy - memlekettik jáne jergilikti basqarý isiniń bakalavry. 2009 jyldan bastap memlekettik qyzmette. Qaraǵandy qalasynyń mádenıet jáne tilderdi damytý basqarmasynda bas maman bolyp qyzmet atqardy. Keıin Oktıabr aýdany ákimi apparatynyń ekonomıka jáne kásipkerlik bóliminiń basshysy, Qaraǵandy qalasy Qazybek bı aýdandyq ákimi apparatynyń ekonomıka jáne kásipkerlik bólimin basqardy.
Jańa kadrlyq taǵaıyndaýǵa deıin oblys ákimi apparatynyń uıymdastyrýshylyq-ınspektorlyq bóliminiń bas mamany bolyp qyzmet atqardy, dep habarlaıdy Qaraǵandy oblysy ákiminiń baspasóz qyzmeti.