Qaraǵandy oblysynda jalǵyzbasty zeınetkerlerge páter berildi

QARAǴANDY. QazAqparat – Qaraǵandy oblysynyń Botaqara kentinde eki zeınetkerge páter kilti tabystaldy, dep habarlaıdy QazAqparat tilshisi.

Botaqaranyń eki turǵyny jańa bir bólmeli páter aldy. Jalǵa beriletin turǵyn úı jalǵyzbasty zeınetkerlerge bólingen.

«Jańa páterlerdi Lıýdmıla Solomko men Vera Nakalıýjnaıa aldy. Lıýdmıla Nıkolaevna uzaq jyldar boıy aýrýhanada feldsher bolyp jumys istedi. Ol buryn kóppáterli turǵyn úıde turdy, biraq qazir turǵyn úı apatty jaǵdaıda. Vera Andreevna da barak úlgisindegi úıde jalǵyz turǵan, biraq shatyry qulap qalǵan», – dedi aýdandyq jumyspen qamtý jáne áleýmettik baǵdarlamalar bóliminiń basshysy Gúljan Ábjanova.

Eki zeınetker jańa eki qabatty úıden bir bólmeli páterden aldy.

Qonys toıyn toılaǵandardy aýdandyq turǵyn úı qatynastary bóliminiń basshysy Aınagúl Ysqaqova, AJQ jáne ÁBB basshysy Gúljan Ábjanova jáne Botaqara ákiminiń mindetin atqarýshy Nurdáýlet Ramazanov quttyqtady.