Qaraǵandy oblysynda jaǵdaı turaqty - Jeńis Qasymbek
Bul jaıly oblys ákiminiń m.a. Jeńis Qasymbekke oblystyń barlyq qurylymdarynyń
«Biz elimizdiń tynyshty men turaqtylyǵyn buzý qaýpiniń kýágeri bolyp otyrmyz. Osy kúnderi kóptegen óńirlerde beıbit turǵyndar, quqyq qorǵaý organdarynyń qyzmetkerleri, bıznes nysandary, memlekettik mekemeler zardap shekti. Bizdiń óńirde jaǵdaı turaqty jáne baqylaýda. Elimizdiń basyna týǵan osy bir qıyn jaǵdaıda azamattarymyz danalyq, sabyrlyq tanytyp, destrýktıvti kúshterdiń arandatýshylyǵyna boı bermegeni úshin alǵysymyzdy aıtamyz», - dedi Jeńis Qasymbek.
Ol sonymen qatar quqyq qorǵaý organdaryna qaýipsizdikti qamtamasyz etkeni úshin alǵysyn bildirdi. Ulttyq banktiń Qaraǵandy fılıalynyń dırektory Ǵazız Shegenovtyń aıtýynsha, bankomattardy qolma-qol aqshamen tolyqtyrý máselesi sheshildi. Oblysta 23.00-den tańǵy saǵat jetige deıin komendanttyq saǵat engizildi. Táýlik boıǵy blok-beketter ornatyldy. TJ rejımine baılanysty ınternet jelisinde ýaqytsha kidirister bolady. «Senim 109 jedel jelisi jumys isteıdi. Oǵan habarlasyp, turǵyndar TJ rejımine qatysty barlyq alańdatqan saýaldaryna jaýap ala alady. Barlyqtaryńyzdan engizilgen shekteý sharalaryna jáne ınternettiń óshirilýine túsinistikpen qaraýlaryńyzdy suraımyz», - dep qosty Jeńis Qasymbek. TKSh, densaýlyq saqtaý, bilim jáne basqa da salalar shtattyq rejımde jumys istep jatyr. Jumyspen qamtýdy úılestirý jáne áleýmettik baǵdarlamalar basqarmasynyń jetekshisi Ásem Júnispekovanyń málimdeýinshe, zeınetaqylar men járdemaqylar alýshylardyń jeke shottaryna aýdaryldy. Óńir basshysy ómirshendikti qamtamasyz etetin nysandardyń jumysyn erekshe baqylaýǵa alýdy tapsyrdy. Ol ınternetke monıtorıng júrgizip, arandatýshylyq aqparatty taratýdy anyqtaý boıynsha tapsyrma berdi.
Oblys ákimi turǵyndardy arandatýshylyqqa boı bermeı, tek resmı aqparatqa senýge shaqyrdy.