Qaraǵandy oblysynda zańsyz aýlanǵan 4 tsentner balyq tárkilendi

QARAǴANDY. QazAqparat - Qaraǵandy oblysynyń polıtsııa qyzmetkerleri qujatsyz 400 keli balyq tasymaldamaq bolǵan eki er adamdy ustady, dep habarlaıdy QazAqparat tilshisi.

Aqtoǵaı aýdandyq polıtsııa bóliminiń qyzmetkerleri Shashýbaı aýylynan 10 shaqyrym jerde 39 jastaǵy júrgizýshi tizgindegen «Nıssan Patrol» markaly avtokóligin ustady.

Avtokóliktiń júksalǵyshynan jalpy salmaǵy 300 keli bolatyn 6 qap balyq tárkilendi.

Sondaı-aq, tabıǵat qorǵaý polıtsııasynyń qyzmetkerleri Aqtoǵaı aýdanynyń aýmaǵynda Balqash qalasynyń 29 jastaǵy turǵynyn ustady. Onyń «Toyota Surf» markaly avtokóliginen salmaǵy 110 keli bolatyn 3 qap balyq tabyldy.

«Ustalǵan azamat balyqty zańsyz aýlaǵanyn moıyndady. Balyq aýlanǵan jerden 400 metr tor tárkilendi. Eki fakti boıynsha QK 335-babynyń 1-bóligi boıynsha sotqa deıingi tergeý bastaldy», - dep habarlady Qaraǵandy oblysy PD baspasóz qyzmeti.