Qaraǵandy oblysynda vırýsty ınfektsııa juqtyrǵandar sany 40 myńnan asty

QARAǴANDY. QazAqparat – Qaraǵandy oblysynyń medıtsına uıymdaryna kún saıyn jiti respıratorlyq vırýstyq ınfektsııasy (JRVI) bar turǵyndardan 300-ge deıin ótinish kelip túsedi. Olardyń shamamen 60%-y balalar, dep habarlaıdy QazAqparat tilshisi.

Qaraǵandy oblysynyń bas shtattan tys epıdemıology Aslan Temirov óńirdegi aǵymdaǵy epıdemıologııa jáne tumaý men JRVI-diń aldyn alý sharalary týraly Óńirlik kommýnıkatsııalar qyzmetiniń alańynda ótken brıfıngte aıtyp berdi.

«Aǵymdaǵy epıdemıologııalyq maýsymnyń basynan beri oblysta jiti respıratorlyq vırýstyq ınfektsııalardyń 43 645 jaǵdaıy tirkeldi. Oblysta syrqattanýshylyq ótken jyldyń uqsas kezeńiniń deńgeıinde qalyp otyr. Tumaýdyń zerthanalyq rastalǵan 46 jaǵdaıy tirkeldi, onyń ishinde 14-15 jasqa deıingi balalar arasynda. 4 % ósý úrdisi baıqalady», – dedi Aslan Temirov.

Dúnıejúzilik densaýlyq saqtaý uıymynyń boljamyna sáıkes, bıyl tumaý vırýsynyń úsh shtammy ózekti bolady – H1N1, H3N2 jáne V toby.

Qaraǵandy oblysynda Reseıde óndiriletin «Grıppol plıýs» preparatynyń 210 myń dozasy satyp alyndy. Bul óńir halqynyń jalpy sanynyń 15%-yn vaktsınamen qamtýǵa múmkindik beredi. DDU usynysyna saı halyqtyń keminde 10% qamtylýy tıis.

Birinshi kezekte halyqtyń osal toptary – medıtsına qyzmetkerleri, balalar jáne t. b. vaktsınalaýǵa jatady. Qazan aıynyń basynan bastap oblysta 139 myńnan astam adam egildi. Vaktsınatsııadan keıingi asqynýlar tirkelgen joq.

Koronavırýs ınfektsııasyna keletin bolsaq, búginde aımaqta aýrýdyń jekelegen jaǵdaılary tirkelgen. Aýyr naýqastar joq.