Qaraǵandy oblysynda úsh jylda 17 mektep salý josparlanyp otyr

QARAǴANDY. QazAqparat – Qaraǵandy oblysynda «Jaıly mektep» Ulttyq jobasy júzege asyryla bastady. 2025 jyldyń sońyna deıin óńirde 17 mektep salý josparlanyp otyr, dep habarlaıdy QazAqparat tilshisi.

«2023 jyly Qarqaraly aýdanynyń Taldy aýylynda 200 oryndyq mektep paıdalanýǵa berilýi tıis. 2024 jyly Qaraǵandy, Shahtınsk, Prıozersk, Buqar Jyraý jáne Shet aýdandarynda on mektep qurylysy qarastyrylǵan. Taǵy alty jobany júzege asyrý 2025 jylǵa josparlanyp otyr», - dedi Bilim basqarmasynyń basshysy Gúlsim Qojahmetova.

Sonymen qatar oblysta mektepke deıingi bilim berýge de kóp kóńil bólinedi. 2025 jylǵa deıin birneshe balabaqsha ashý josparlanyp otyr, onda 9 myńǵa jýyq bala qamtylady.

Tehnıkalyq jáne kásiptik bilim berýde eńbek naryǵynda suranysqa ıe mamandardy daıarlaýǵa basa nazar aýdarylady. Kolledjderde dýaldi oqytý damytylady, quzyretter ortalyqtaryn jáne jumysqa ornalasýǵa járdemdesý qyzmetteri ashylady.

Qazir kóptegen stýdent memlekettik tapsyrystyń arqasynda tegin oqýǵa múmkindik aldy.