Qaraǵandy oblysynda ulttyq taǵamdar ázirleýden chellendj ótkizilip jatyr

QARAǴANDY. QazAqparat - Qazaqstan halqynyń birligi kúnine oraı Qaraǵandy oblysynda ulttyq taǵamdardy daıyndaý boıynsha chellendj iske qosyldy. Ol 30 sáýirge deıin jalǵasady, dep habarlaıdy QazAqparat oblys ákimdiginiń baspasóz qyzmetine silteme jasap .

Daıyndalǵan taǵamdar kóp balaly otbasylarǵa, medqyzmetkerlerge jáne blok beketterdegi kezekshilerge taratylady.

Іs-sharany Qaraǵandy oblysynyń QHA ókilderi Іshki saıasat basqarmasymen birlesip uıymdastyrdy.

«27 sáýirde ulttyq taǵamdardy daıyndaý boıynsha #UltTaǵamdary chellendjine Qaraǵandy, Balqash, Abaı, Aqtoǵaı jáne Buqar jyraý aýdandary qatysty. Búgin, 28 sáýirde chellendj Qarajal, Prıozersk, Jańaarqa, Qarqaraly jáne Nura aýdandarynda jalǵasty. 29 sáýirde eriktiler Saran jáne Sátbaev qalalarynda, Osakarov, Ulytaý jáne Shet aýdandarynda ulttyq taǵamdar taratady. Sońǵy kúni, 30 sáýirde chellendj Qaraǵandy, Jezqazǵan, Temirtaý jáne Shahtınsk qalalarynda ótedi», - dep habarlady Qaraǵandy oblysynyń QHA.
Sonymen qatar, oblysta «Biz birgemiz» aktsııasy aıasynda 100-den astam qaıyrymdylyq is-sharasy, onlaın kontsert, mektepterde onlaın baıqaý, vıktorınalar jáne tanymdyq joba uıymdastyrylady.
2 mamyrǵa «Jańǵyrý joly» óńirlik shtabynyń bazasynda «BUU Modeli «Assambleıa strategııasy – árkimniń ıgiligi» onlaın konferentsııasy josparlanǵan. Oǵan jastar uıymdarynyń ókilderi, stýdentter men oqýshylar qatysady.

Aıta keterligi, #UltTaǵamdary chellendjine oraı el.kz saıtynda ulttyq taǵam túrlerin ázirleý ádisterimen tanysa alasyzdar.