Qaraǵandy oblysynda tórt kópbalaly otbasyna baspana berildi

QARAǴANDY. QazAqparat – Qaraǵandy oblysynda tórt kópbalaly otbasy qonystoıyn toılaıdy. Kópten kútken baspanalaryn olarǵa jergilikti metsenat syıǵatartty, dep habarlaıdy QazAqparat tilshisi.

«Shańyraq» kóp balaly otbasylardy qoldaý ortalyǵy demeýshiniń kómegimen

Qaraǵandy oblysynda tórt otbasyna úıler men páterler satyp aldy.

«Bizdiń ortalyq Qaraǵandy oblysynyń kóp balaly analaryna jan-jaqty kómek

kórsetedi. Búgingi tańda bizdiń tizimde eki myńǵa jýyq otbasy bar. Olardyń 30-ǵa

jýyǵy baspanaǵa muqtaj. Ótken jyly demeýshilik kómektiń arqasynda biz jeti kóp

balaly áıelge turǵyn úı syıǵa tarttyq. Bıyl da biz jeti otbasyn baqytty etýge

nıettimiz. Olardyń tórteýi Qaraǵandy, Temirtaý jáne Aqtastaǵy jeke úıler men

páterlerdiń kiltteri men qujattaryn aldy», – dedi Talbesik ortalyǵy men qoǵamdyq uıymynyń basshysy Lázzat Qojahmetova.

Demeýshi óz esimin jarııalamaýdy qalady. Biraq ol barlyq úmitkerlerdi jáne olardyń qarjylyq jaǵdaıyn jeke zerttedi, dep qosty uıym jetekshisi.

Jańa qonystanýshylarǵa «Shańyraq» ortalyǵynda páter kiltteri tabystaldy.

Saltanatty shara barlyq sanıtarlyq talaptar saqtaı otyryp ótkizildi.