Qaraǵandy oblysynda TKSh-ny jańǵyrtý baǵdarlamasy boıynsha 41 kópqabatty úı jóndeýden ótti

QARAǴANDY. 29 qyrkúıek. QazAqparat - Qaraǵandy oblysynyń ákimi Ábilǵazy Qusaıynov memlekettik turǵyn-úı-kommýnaldyq sharýashylyq salasyn jańǵyrtý baǵdarlamasyn iske asyrý barysy jóninde selektorlyq keńes ótkizdi, dep habarlady óńir ákiminiń baspasóz qyzmeti.

Energetıka jáne kommýnaldyq sharýashylyq basqarmasy basshysynyń mindetin atqarýshy Qaırat Qamzın baǵdarlamanyń iske asyrylýy jóninde baıanadama jasady. «SaryArqa» Áleýmettik kásipkerlik korporatsııa» UK AQ baǵdarlamasynyń birinshi baǵyty boıynsha Qaraǵandyda, Sátbaev pen Saranda 9 kópqabatty turǵyn úıdiń jóndeý jumystary aıaqtaldy. Qaraǵandy qalasy ákimdiginiń «Qalalyq kommýnaldyq sharýashylyq» QMK ekinshi baǵyt boıynsha Qaraǵandy qalasynyń 32 úıinde jóndeý jumystaryn aıaqtady», - dedi ol.

Baıandamada málim etilgendeı, bıyl baǵdarlamanyń ekinshi tetigi boıynsha Temirtaýda, Saran men Balqashta, Qaraǵandyda, Shahtınskide jáne Abaı aýdanynda taǵy da 49 kópqabatty úıdi jóndeýden ótkizý sharalary josparlanýda.

«Keńestiń qorytyndysy boıynsha Á. Qusaıynov 2011 jyly bastalǵan jóndeý jumystaryn aıaqtaýǵa jáne aǵymdaǵy jyly jasalǵan kelisimderge qatysty birqatar tapsyrmalar júktedi. Oǵan qosa Qaraǵandy qalasynyń ákimdigine qarjy-ekonomıkalyq negizdemeni iske asyrý, ekonomıkalyq saraptama men 2013-2016 jyldary jóndeý jumystaryn jalǵastyrý úshin «Jańǵyrtý-2020» JShS jarǵylyq kapıtalyn tolyqtyrýǵa qatysty qorytyndy ázirleýge tapsyrmalar berildi», - dep habarlady oblys ákiminiń baspasóz qyzmeti.