Qaraǵandy oblysynda Taımas batyr kesenesi qalpyna keltirildi

QARAǴANDY. QazAqparat - Qaraǵandy oblysyndaǵy Abaı aýdanynda Taımas batyr kesenesin qalpyna keltirý aıaqtaldy. Tarıhı nysan memleket qaraýyna alynǵan jáne «Qasıetti Qazaqstan» jobasyna engizilgen, dep habarlaıdy QazAqparat óńir basshysynyń resmı saıtyna silteme jasap.

Taımas batyr Kenesary han jasaqtary basshysynyń biri boldy. Qolbasshy óziniń erlikterimen Uly dalanyń dańqyn shyǵardy.

Keseneni qalpyna keltirý «Rýhanı jańǵyrý» baǵdarlamasy boıynsha jasaldy. Qalpyna keltirý kezinde nysannyń sáýlettik tarıhı kórki saqtaldy. Jergilikti aqsaqaldar men zııalylar qaýymy jumysty oń baǵalady.

- Taımas batyr - ult-azattyq qozǵalysta sansyz kóp áskerdiń saıası jetekshisi ǵana emes, sonymen birge Altaı óńiriniń Qareke bıi boldy. Bul týraly túrli derekkózdegi tarıhı faktiler aıǵaqtaıdy, - dep atap ótti tarıhshy Temirǵalı Arshabekov.