Qaraǵandy oblysynda taýar tıelgen vagondar joldan shyǵyp ketti
15:50, 21 Maýsym 2017
QARAǴANDY. QazAqparat - Qaraǵandy oblysynda Jezqazǵannan 100 shaqyrym jerde Túıemoınaq temir jol stansasyna jaqyn mańda taýar quramynyń 16 vagony relsten shyǵyp ketti, dep habarlady «QazAqparat» HAA tilshisi.
«Vagondarda jolaýshylar emes, taýar bolǵan. Qurbandar men zardap shekkender joq. Vagondardyń joldan shyǵyp ketý sebebi anyqtalýda», - dep habarlady TJD baspasóz qyzmetinde.
Komıssııa vagondardyń joldan qalaı shyǵyp ketkenin anyqtaıdy. Relsterdiń aqaýy oqıǵaǵa sebepshi bolýy múmkin degen bastapqy boljal jasaldy. Oqıǵa poıyzdar kestesine áser etken joq.