Qaraǵandy oblysynda tabıǵı órtti sóndirýge tikushaq tartyldy
00:25, 18 Shilde 2023
ASTANA. QazAqparat - Qaraǵandy oblysynda tabıǵı órtti sóndirýge tikushaq tartyldy, dep habarlaıdy QR TJM baspasóz qyzmeti.
Jalpy, janǵan jerdiń aýmaǵy aldyn ala málimet boıynsha, 150 gektardy quraıdy, onyń 110-120 gektary sóndirildi.
Órtti sóndirýge sý tógetin qubyry bar Qazavıapas tikushaǵy jumyldyrylyp, kólemi 72 tonna sýdy 24 ret qatynap septi.
Órtti sóndirýge TJD, Aqtoǵaı orman sharýashylyǵy jáne janýarlar dúnıesin qorǵaý bólimsheleriniń, EÓSB jáne JAO, barlyǵy 114 adam men 20 birlik tehnıka jumyldyryldy.