Qaraǵandy oblysynda stýdentterdi vaktsına alýǵa shaqyrǵan aktsııa bastaldy
Іs-shara aıasynda oblystyń joǵary oqý oryndarynda mobıldi egý pýnktteri uıymdastyrylyp, baǵaly syılyqtar oınatylady.
«Men oblystyq klınıkalyq aýrýhananyń qarqyndy terapııa jáne reanımatsııa bóliminde jumys isteımin. Kún saıyn jumysyma baılanysty koronavırýs ınfektsııanyń qanshalyqty tez taralatynyn jáne onyń saldary qanshalyqty aýyr ekeni bilemin. Ókinishke oraı, biz jıi qaıǵyly oqıǵalardy dıi kóremiz. Bizdiń bólimshedegi barlyq patsıentterdiń 99%-y – vaktsına almaǵan adamdar. Infektsııamen kúresýdiń eń tıimdi sharasynyń biri – vaktsınatsııa. Barlyq jurtty ózimizdi jáne jaqyndarymyzdy qorǵaýǵa shaqyramyn», – deıdi OKA ınfektsııalyq bólimshesiniń ıntern-dárigeri Daryn Ábiljanov.
Derekterine sáıkes, Qaraǵandy oblysynda 4 myńǵa jýyq oqytýshy men qyzmetker, sondaı-aq 12 myńnan astam stýdent pen magıstrant ekpe aldy. #MaxVax aktsııasy aıasynda uıymdastyrýshylar vaktsınatsııa sarapshylaryn shaqyra otyryp, áleýmettik jelide tikeleı efırler ótkizýdi josparlap otyr.
«Jastar oflaın oqytý rejımine kóshý týraly jańalyqty qýana qabyldady. Biraq dástúrli formattyń turaqtylyǵy karantın sharttaryn saqtaýǵa jáne árkimniń jeke jaýapkershiligine baılanysty bolmaq. Adıtorııada, jataqhanada jáne basqa da adam kóp jınalatyn oryndarda juqtyrý qaýpin barynsha azaıtý úshin vaktsınatsııalanǵandardyń joǵary úlesin qamtamasyz etý qajet. Tamyz aıynyń sońynda qalaǵa basqa jaqtan keletin stýdentterdiń sany artady, sondyqtan biz oqý korpýstary men jataqhanalarda vaktsınatsııa mobıldi brıgadasynyń jumysyn uıymdastyrýymyz qajet. Sondaı-aq, qyrkúıek aıynda vaktsınatsııalanǵan JOO stýdentteri arasynda MaxVaxBox utys oıynyn ótkizýdi josparlap otyrmyz», – dep atap ótti Qaraǵandy oblysynyń jastar saıasaty máseleleri basqarmasynyń basshysy Birjan Álimjanov.
Utys oıynyna qatysý úshin vaktsınanyń kem degende birinshi komponentin alyp, sodan keıin Telegram bot arqyly qatysýshy retinde tirkelý qajet (ár JOO bólek qurylady) jáne nátıjesin kútý kerek. Jeńimpazdar random ádisimen anyqtalady.
Qundy syılyqtar 10 qorap oınalady, olardyń ishinde gadjetter ǵana emes, sonymen qatar jeke qorǵanys quraldary, keńse taýarlary da bar.
«Ázirge bizdiń oblysymyzda barlyq JOO arasynda vaktsınatsııa qarqyny boıynsha B.Beısenov atyndaǵy Qaraǵandy akademııasy kósh bastap tur. Onda barlyq kýrsanttar men oqytýshy ekpe aldy. Múmkin, bul ishinara oqý ornynyń ereksheligine baılanysty bolar. Sondaı-aq, úzdik úshtikte Qaraǵandy medıtsına ýnıversıteti, Jezqazǵan ýnıversıteti jáne Akademık E.Bóketov atyndaǵy Qaraǵandy ýnıversıteti bar. Jalpy 57% stýdentter vaktsınatsııalanǵan. Ókinishke oraı, bul respýblıka boıynsha eń jaqsy kórsetkish emes. Biz jastardy #MaxVax aktsııasyn qoldaýǵa shaqyramyz», – dedi stýdentterge Birjan Álimjanov.