Qaraǵandy oblysynda SOO, dámhana, sulýlyq salondary qalaı jumys isteıdi

QARAǴANDY. QazAqparat – Qaraǵandy oblysynda koronavırýstyq ınfektsııamen syrqattanýshylyqtyń ósýine baılanysty karantındi kúsheıtý týraly jańa qaýly qabyldandy. Ol 29 shildede tún ortasynda kúshine enedi, dep habarlaıdy QazAqparat tilshisi.

Qosymsha shekteýler týraly oblystyń bas sanıtarlyq dárigeri ıÝrıı Zalygın Óńirlik kommýnıkatsııalar qyzmeti alańynda tikeleı efırde ótken brıfıngide aıtty.

«Qaraǵandy oblysyndaǵy epıdemıologııalyq jaǵdaı turaqsyz. Kún saıyn koronavırýstyq ınfektsııanyń 750-den astam jańa jaǵdaıy tirkeledi. Sońǵy eki aptada ósim eki esege jýyq boldy. Qosymsha shekteýler engizý týraly sheshim qabyldandy», – dep atap ótti spıker.

Meıramhanalar, dámhanalar men kofehanalar ornalasqan jerine qaramastan, sonyń ishinde ashyq aýada jumys kúnderi Ashyq kómegimen 07:00-den 17:00-ge deıin jumys isteı alady. Al Ashyq júıesine qatyspaǵandardyń jumys kestesi 07:00-den 12:00-ge deıin. Senbi jáne jeksenbi kúnderi qoǵamdyq tamaqtaný nysandary jabylady – tek azyq-túlikti jetkizý jáne alyp ketý jumystaryna ruqsat etiledi.

Sonymen qatar, demalys kúnderi ashanalar jabylady.

Ashyq qoldanatyn saýda ortalyqtary men saýda úıleriniń jumys kestesi senbi jáne jeksenbi kúnderi tyıym salýmen jumys kúnderi 09:00-den 17:00-ge deıin belgilengen.

Sulýlyq salondary men shashtarazdar, sondaı-aq kosmetıkalyq qyzmet kórsetý ortalyqtary jumys kúnderi 09:00-den 17:00-ge deıin jumys isteıdi.

Ashyq jobasyna qatyspaıtyn nysandardyń qyzmeti toqtatylady:

- fıtnes-ortalyqtar, fıtnes-klýbtar, ıoga-ortalyqtar;

- sporttyq-saýyqtyrý nysandary;

- saýnalar, SPA-ortalyqtar, basseınder.

Ashyq kómegimen bul nysandar jumys kúnderi 17:00-ge deıin jumys isteı alady.

Ashyq-syz jumys isteýge áli de tyıym salynǵan nysandar: kınoteatrlar, teatrlar, kontsert zaldary, bılıard, kompıýterlik klýbtar (PlayStation klýbtaryn qosa alǵanda), boýlıngter, tsırkter, lotereıa klýbtary, karaoke.

Tolyǵymen tyıym salynǵan: akvaparkter (onyń ishinde olarda ornalasqan basseınder), jaǵajaılar (onyń ishinde ruqsat etilmegen), túngi jáne oıyn klýbtary, aýdany 2 000 jáne odan da kóp sharshy metr jeke turǵan azyq-túlik emes dúkender, attraktsıondar (onyń ishinde ashyq aýada). Olar Ashyq kómegimen de jumys isteı almaıdy.

Kórmelerdi úı-jaılarda da, kóshede de ótkizýge bolmaıdy. Týrısterdi oblys ishinde jáne oblystar arasynda turaqty emes tasymaldaýǵa tyıym salynady.

Ujymdyq, saltanatty, otbasylyq, estelik (banketter, úılený toılary, mereıtoılar, eske alý) jáne basqa da buqaralyq is-sharalardy uıymdastyrýǵa jáne ótkizýge qatań tyıym salynady.

Qaraǵandy oblysynyń bas sanıtarlyq dárigeriniń qaýlysyn tolyq myna silteme boıynsha oqýǵa bolady.