Qaraǵandy oblysynda soǵys ardagerin QR QK Joǵarǵy Bas qolbasshysynyń atynan 90 jasqa tolýymen quttyqtady

ASTANA. QazAqparat - Búgin QR Qorǵanys mınıstrliginiń aqparattyq-nasıhattyq toby Qaraǵandy garnızonynda boldy. Onda Uly Otan soǵysynyń ardagerlerine ataýly kómek kórsetý jónindegi aýqymdy aktsııa ótýde.

Uly Otan soǵysynyń ardagerlerine medıtsınalyq kómek kórsetý jónindegi respýblıkalyq ortalyq bazasynda maıdanger Kırıll Lysıakty 90 jasqa tolý mereıtoıymen quttyqtady, dep habarlady QR Qorǵanys mınıstrliginiń baspasóz qyzmeti.

Azatker-jaýyngerdi QR QK Joǵarǵy Bas qolbasshysynyń atynan QR QK Bas shtaby bastyǵynyń orynbasary - tárbıe jáne ıdeologııalyq jumystar departamentiniń bastyǵy polkovnık Muhamedjan Talasov quttyqtap, ardagerge gramota men baǵaly syılyqty tabys etti.

Qaraǵandy oblysynda ótip jatqan aktsııa Almaty qalasynda Joǵarǵy Bas qolbasshy - Qazaqstan Respýblıkasynyń Prezıdenti Nursultan Nazarbaevtyń atynan Uly Jeńistiń 70 jyldyǵy qurmetine bastalǵan aýqymdy sharalardyń jalǵasy bolyp tabylady.

Uly Otan soǵysynyń ardagerlerine quttyqtaýlar, alǵyshattar, eskertkish syılyqtar tapsyrylýda.