Qaraǵandy oblysynda Shoqyný merekesinde jappaı shomylýǵa tyıym salyndy

QARAǴANDY. QazAqparat – Qaraǵandylyq shirkeý okrýginiń ókili Aleksandr Ýgolkov pandemııa jaǵdaıynda Shoqyný merekesin ótkizý tártibin túsindirdi, dep habarlaıdy QazAqparat oblys ákimdigine silteme jasap.

Málim etilgendeı, epıdemıologııalyq jaǵdaıdyń kúrdeliligine oraı bıyl shomylý oryndaryn duǵa oqyp tazartý is-sharalary júrgizilmeıdi. Tıisinshe, sýǵa jappaı shomylý da bolmaıdy.

Bul rette sýdy tazartý barlyq ǵıbadathanalardyń aýmaǵynda ótedi. 18 qańtar kúni tústen keıin sý alý úshin shirkeýge kele berýge bolady. Sondaı-aq sý 19 qańtarda tańǵy saǵat 08.00-den keshke deıin taratylady. Taratý kóshede ótedi.

Shirkeýlerge kirýge tyıym joq. Qaraǵandy oblysynyń bas sanıtarlyq dárigeriniń negizgi talaptaryna saı maska rejımin jáne áleýmettik qashyqtyqty saqtaý dinı qyzmetkerler úshin de, halyq úshin de negizgi talap bolyp tabylady.

Shirkeý ókiliniń aıtýynsha, Shoqyný merekesinde sýǵa súńgý shirkeýdiń emes - halyqtyń dástúri.

«Sýǵa súńgý - halyq dástúri. Oǵan arnaıy daıyndalmaǵan adamdar úshin bul qaýipti bolýy múmkin. Bul rette bir-birimizge degen súıispenshilik pen qamqorlyq mańyzdyraq.

Buryn bul kúni muqtaj adamdarǵa barý, olarǵa kómek kórsetip, merekelik kóńil-kúı syılaý dástúri bolǵan. Mereke beker ótpeýi úshin bul kúni ıgi ister jasańyzdar», - dedi protoıreı Aleksandr Ýgolkov.

Shirkeý ókilderi mereke kúni jappaı shomylýǵa tyıym salý sharalaryna túsinistikpen qaraýdy suraıdy.