Qaraǵandy oblysynda shekteý sharalary jeńildedi
Tıisti qaýlyǵa oblystyń bas memlekettik sanıtar dárigeri ıÝrıı Zalygın qol qoıdy. Qujat 22 aqpanda kúshine enedi.
Erteńnen bastap:
- Ashyq qosymshasynda «jasyl» jáne «kók» mártebesi bar tulǵalar saýda-oıyn saýyq ortalyqtaryna, saýda úıleri men jelilerge, basseınderge, oıyn, túngi klýbtarǵa, karaoke jáne basqa da bıznes obektilerine áleýmettik qashyqtyq pen maska rejımin saqtaı otyryp, shekteýsiz bara alady;
- kórmeler, marafondar, sporttyq, saltanatty, estelik, otbasylyq is-sharalar, konferentsııalar, forýmdar, oıyn-saýyq, ujymdyq duǵa etý jáne adamdar kóp jınalatyn ózge de is-sharalardy uıymdastyrýǵa, ótkizýge jáne barýǵa ruqsat etiledi;
- kınoteatrlarda kınozalǵa tamaq pen sýsyn ishýge ruqsat etilgen;
- balalardyń oıyn-saýyq ortalyqtary, lotereıa klýbtary men býkmekerlik keńselerdiń tolymdylyǵy boıynsha shekteýler alynyp tastaldy.
- uıymdar men keńselerdiń oflaın rejımde jumys isteýi úshin shekteýler alynyp tastaldy (qyzmetkerlerdi COVID-19-ǵa qarsy vaktsınatsııalaý jaǵdaıynda qashyqtan jáne betpe-bet formattaǵy qyzmetkerlerdiń paıyzdyq qatynasy boıynsha talaptardy eskermesten jumys isteýge bolady. Bul rette sońǵy 3 aı ishinde COVID -19-ǵa qarsy vaktsınatsııalaýdyń tolyq kýrsyn alǵan jáne COVID -19-ben aýyryp jazylǵan barlyq qyzmetkerlerdiń oflaın jumys isteýine jol beriledi);
- eger ekinshi komponentti alǵannan keıin 6 aıdan aspasa, revaktsınatsııa nemese COVID-19-ǵa qarsy vaktsınatsııalaýdyń tolyq kýrsyn alǵan, elge keletin QR azamattary úshin mindetti PTR-testileý toqtatyldy;
- PTR-testsiz vaktsınatsııalaý pasporttaryn ózara moıyndaıtyn shet memleketterdiń azamattaryna kirýge ruqsat etiledi;
- aýrý belgileri bolmaǵan jaǵdaıda baılanysta bolǵan adamdardy úı karantınine oqshaýlaý joıyldy;
- balalardyń ata-analaryna nemese zańdy ókilderine bilim berý uıymdarynyń ǵımaratyna kirýge ruqsat etiledi.
Bilim berý mekemelerinde COVID -19 toptyq aýrýyn tirkegen kezde synyptarǵa, toptarǵa jáne aǵyndarǵa úı karantıni 10 kúnge sozylady. Bul rette karantındi engizý bir synyptaǵy (toptaǵy), bir aýysymdaǵy nemese bir aǵyndaǵy balalardyń 30%-dan astamy dert juqtyrýyna baılanysty bolýy tıis. Balalar úı karantıni aıaqtalǵannan keıin sabaqtarǵa PTR-test tapsyrýsyz jáne anyqtama usynýsyz jiberiledi.
Temirjol, teńiz, ózen kóliginde jáne avtoótkizgishterde Respýblıkanyń memlekettik shekarasy arqyly ótkizý pýnktteri arqyly Qazaqstanǵa kelgen barlyq adamdar (Qazaqstan Respýblıkasynyń úkimettik delegatsııalaryn; lokomotıv brıgadalarynyń múshelerin; temirjol, teńiz jáne ózen kóliginde tasymaldaý qyzmetimen baılanysty adamdardy qospaǵanda) termometrııadan, saýalnamadan ótedi jáne PTR ádisimen (qazaq, orys nemese aǵylshyn tilderinde) COVID-19-ǵa testten ótkeni týraly anyqtamany usynýǵa mindetti. Anyqtama PTR ádisimen zertteý úshin materıaldy Qazaqstan memlekettik shekarasyn kesip ótken sátte 72 saǵattan erte emes ýaqytta ótken jaǵdaıda jaramdy;
Erip júrýshilerde anyqtama bolǵan kezde 5 jasqa deıingi balalarǵa arnalǵan anyqtamany usyný talap etilmeıdi; eger ekinshi komponentti alǵannan keıin Qazaqstannyń shekarasyn kesip ótý sátinde 6 aıdan aspaǵan bolsa, Qazaqstan Respýblıkasynda revaktsınatsııany nemese COVID-19-ǵa qarsy vaktsınatsııalaýdyń tolyq kýrsyn alǵan adamdarǵa qujattyq rastaýdy usynǵan kezde; Qazaqstan aýmaǵynda jaramdy dep tanylǵan, COVID -19-ǵa qarsy vaktsınatsııa týraly pasportty/sertıfıkatty/anyqtamany usynǵan adamdarǵa.
«Pfizer» vaktsınasyn kelesi sanattaǵy azamattarǵa qoldanýǵa ruqsat etilgen:
- múmkindigi shekteýli adamdar (barlyq toptaǵy múgedekter) men 50 jastan asqan adamdardyń revaktsınatsııalary;
- vaktsınatsııa:
- múmkindigi shekteýli adamdar (barlyq toptaǵy múgedekter);
- Qazaqstannan tys jerde birinshi komponentti alǵan vaktsınatsııalaý kýrsyn aıaqtaý úshin (ekinshi doza).