Qaraǵandy oblysynda shahterlerdiń talaptary qalaı oryndalyp jatyr
Óńir basshysy Jeńis Qasymbek kenshilerdiń bastamashyl tobymen kezdesti.
Keńeste «Abaı» shahtasyndaǵy qaıǵyly oqıǵadan keıin kelisim komıssııasy qabyldaǵan «ArselorMıttal Temirtaý» AQ ujymdarynyń talaptaryn oryndaý barysy talqylandy.
Bul protsesti oblys ákimi jeke ózi baqylaıdy.
Búgingi tańda kompanııa 12 talaptyń barlyǵyn derlik oryndady.
Jumysta personaldyń normatıvtik sanyna, jabdyqtyń tehnıkalyq aýdıtin eskere otyryp, ınvestıtsııalyq baǵdarlamany jańartýǵa qatysty birneshe tarmaq qalady.
«ArselorMıttal Temirtaý» AQ atqarýshy dırektory Álisher Ábenov kólik parkin jańartý týraly baıandady. Onyń aıtýynsha, bes jańa avtobýs keldi, taǵy jeteýi jaqyn arada alynady Kompanııa barlyǵy 56 zamanaýı avtobýs satyp alýǵa ýáde berip otyr.
Kezdesýde sondaı-aq kenshiler men metallýrgter úshin jeńildetilgen ıpotekalyq baǵdarlama týraly sóz qozǵaldy.
Esterińizge sala keteıik, ony júzege asyrýǵa oblystyq bıýdjetten mıllıard teńge bólindi.
Baǵdarlama aıasynda barynsha kóbirek tilek bildirýshilerdi qamtý úshin Otbasy banki de qosymsha qarjylandyrady.
Otbasy bankiniń Qaraǵandy fılıalynyń dırektory Baýyrjan Jýaspaı kásipodaqtar 67 adamnan turatyn alǵashqy tizimdi bergenin habarlady.
Sonymen qatar, monoqalalardy damytý máseleleri talqylandy.
Shahtınsk qalasynyń ákimi Áskerbek Haltonovtyń aıtýynsha, bıyl qalada bes qabatty úı salý josparlanýda, onda páterlerdiń bir bóligin kenshiler otbasy ala alady.
Abaı dańǵylyn jóndeý jumystary bastalady.
Qalalyq mádenıet jáne demalys saıabaǵyn abattandyrýdy aıaqtaý josparlanýda.
Kenshilerdiń ótinishi boıynsha Shahtınsk qalasynda zamanaýı hokkeı korty paıda bolýy tıis.
Saran jáne Abaı aýdanynyń ákimderi turǵyn úı salý josparlary týraly aıtyp berdi.
Saran qalasynyń basshysy Erjan Temirhanov gazdandyrý máselesin jaıly toqtalyp, kógildir otyn qubyrlaryn ótkizýdi Aqtas kentinen bastaǵysy keletinin habarlady.
Abaı aýdanynda «Abaı» shahtasynyń jolyn jóndeý jumystary aıaqtalady.
Kenshiler Volnyı kentinde dárihananyń joqtyǵyna shaǵymdanyp, «Abaı – Volnyı – Qyzyl» baǵyty boıynsha avtobýs reısteriniń sanyn kóbeıtýdi surady.
Aýdan ákimi Baýyrjan Asanovtyń aıtýynsha, bul máseleler sheshiletin bolady.
«Ótken jyldyń qarasha aıynan bastap biz aı saıyn oblys ákimimen, kompanııa basshylyǵymen kezdesemiz. Bul kezdesýler qajet. Ujymdardy tolǵandyratyn barlyq máselelerdi kóteremiz. Qazirgi ýaqytta kóp sheshim qabyldandy», – dep atap ótti «Tentek» shahtasynyń taý-ken sheberi Nurbolat Ábdirahmanov.
Jumys toby barlyq máseleler tolyq sheshilgenge deıin jumys isteıdi dep atap ótti Jeńis Qasymbek.
«Kenshiler ujymdarymen kóterilgen máselelerdi sheshý baqylaýda qalady. Qoıylǵan mindetterdiń oryndalýyna jaýapty barlyq adamdarǵa barlyq sharalardy ýaqtyly qabyldańydar dep eskertem. Bir aıdan keıin osyndaı formatta taǵy kezdesemiz», – dedi óńir basshysy.