Qaraǵandy oblysynda servıstik polıtsııa qalaı jumys isteıdi
Jobanyń negizgi maqsaty – pılottyq aýmaqtyń problemalaryn keshendi jáne jan-jaqty zerdeleý, qoǵamdyq qaýipsizdik pen turǵyndardyń ómir súrý sapasyn jaqsartýǵa baılanysty máselelerdi sheshýge jergilikti halyqty barynsha tartý.
Joba sheńberinde Qaraǵandy oblysy ákiminiń ókimi negizinde qaýipsizdikti qamtamasyz etý jónindegi vedomstvoaralyq top (MGOB) quryldy. Onyń quramyna qoǵam ókilderi, ishki ister organdary, prokýratýra, densaýlyq saqtaý, bilim berý, halyqty áleýmettik qorǵaý, jergilikti atqarýshy organ ókilderi kirdi.
Turaqty negizde jumys isteıtin vedomstvoaralyq toptardy qurý halyqaralyq tájirıbe bolyp tabylady. Mysaly, olar Kanada men Ulybrıtanııada sátti jumys isteıdi jáne «Qylmys pen tártipsizdikti azaıtý boıynsha seriktestik» dep atalady.
Jumysqa kirispes buryn vedomstvoaralyq top músheleri halyqaralyq uıymdar – EQYU jáne BUUDB sarapshylarynyń qaýipsizdik máselelerin sheshýdegi analıtıkalyq tásilderine oqytyldy.
2020 jyl ishinde MGOB Qaraǵandynyń Ortalyq sektorynda 97 536 adam sanymen derekter jınady jáne qaýipsizdikpen baılanysty problemalarǵa taldaý júrgizdi.
Alynǵan derekterdi shoǵyrlandyrý negizinde «pılottyq» aýmaqtaǵy qylmystyq belsendilikke qatysty negizgi problemalyq máseleler anyqtaldy. Taldaýdyń ózi anyqtalǵan problemalardy, halyq (6 myńnan astam adam) pen sottalǵandar arasynda júrgizilgen saýalnama nátıjelerin, jergilikti halyqpen áriptestik ózara qarym-qatynastardy ornatý tásilderin, protsesterdi tsıfrlandyrý jónindegi usynymdardy jáne odan ári damý áleýetin egjeı-tegjeıli sıpattaı otyryp, 400-den astam betti qurady.
Qaraǵandy oblysynda qylmys jasaǵan jáne bas bostandyǵynan aıyrý oryndaryndaǵy adamdarǵa saýalnama jasyryn túrde júrgizildi.
Halyqtyń qatystylyǵy qaǵıdaty qaýipsiz ómir súrýdiń chek-paraqtaryn engizý kezinde qoldanyldy. Birqatar turǵyndar qashyqtyq formatta chek-paraqtar alyp, ózderi turatyn aýdandy sholý nátıjelerin jiberdi.
Taldaýdyń tolyqtyǵy úshin qoǵamdyq pikir zertteldi. Bul zertteýge Qaraǵandy qalasynyń ortalyq sektorynyń 6 500-ge jýyq turǵyny qatysty. Saýalnama karantın sharalary engizilgennen keıin qoǵamdyq oryndarda júrgizildi jáne onlaın formatta jalǵasty.
Respondentterdiń jaýaptaryn taldaý negizinde qala halqy polıtsııamen yntymaqtastyqqa daıyn degen qorytyndy jasaýǵa bolady.
Vedomstvoaralyq top sonymen birge qoǵamnyń polıtsııamen seriktestigine baǵyttalǵan kishi jobalardy júzege asyrýda. Osyndaı kishi jobalardyń biri – kıbervolonterler qozǵalysy.
2020 jyldyń aqpan aıynan bastap Qaraǵandyda ınternette tyıym salynǵan taýarlar men qyzmetterdi satýmen baılanysty qylmystardy ashýǵa polıtsııaǵa kómek kórsetý úshin kıbervolonterlerdiń monıtorıngilik toby jumys isteıdi.
MGOB-tyń taǵy bir mańyzdy qosalqy jobasy – otbasylyq qatynastardy zertteý ortalyǵyn qurý. Ózderińiz biletindeı, kámeletke tolmaǵandarǵa qatysty qylmystar kóbinese otbasylarda paıda bolady. Ortalyq otbasylyq qatynastardyń erekshelikterin, ıntsıdentterdiń sebep-saldary baılanystaryn, jaǵdaılaryn jáne basqalaryn júıeli negizde zerdeleýge múmkindik beredi.
Osy jyly vedomstvoaralyq top qyzmetiniń geografııasy keńeıtilip, Qaraǵandynyń barlyq aýmaǵyn qamtıdy. Zertteýmen qalanyń barlyq polıtsııa bólimderi qamtyldy.
2021 jyldyń 3-toqsanynda Qaraǵandy oblysynda bas bostandyǵynan aıyrý oryndaryndaǵy barlyq sottalǵandardy qylmys jasaýǵa ıtermelegen sebep pen faktoryn zertteýge baǵyttalǵan saýalnama júrgiziletin bolady.
Sondaı-aq, Qaraǵandynyń 50 myń turǵynyna saýalnama júrgizý josparlanýda.
Joba nátıjeleri boıynsha polıtsııanyń, basqa da memlekettik organdardyń jáne halyqtyń turatyn jerlerinde quqyqtyq tártipti saqtaý úshin ortaq jaýapkershiligi qaǵıdatyn ázirleý kútilýde.