Qaraǵandy oblysynda segiz ınternet-alaıaq ustaldy

QARAǴANDY. QazAqparat - Qaraǵandy oblysynda polıtseıler birqatar ınternet-alaıaqtardyń qylmystyq áreketin áshkereledi. Ustalǵandar qamaýǵa alynyp, keıin sottalady, dep habarlaıdy QazAqparat tilshisi.

Jyl basynan beri Qaraǵandy oblysy boıynsha ınternet-alaıaqtyqtyń 508 deregi tirkelgen. Krımınaldyq polıtsııa qyzmetkerleri jedel is-sharalar barysynda birqatar qylmystar jasaǵany úshin 8 adamdy anyqtap, ustady.

«Mysaly, Osakarov aýdanynda 25 jastaǵy kúdikti ustaldy, ol istegen isin moıyndady. Ol alaıaqtyq jolmen Osakarovka aýylynyń turǵyndaryna onlaın nesıe rásimdegen. Qylmystyq is 12 derek boıynsha qozǵaldy, jalpy shyǵyn 12 mln teńgeni qurady. Qaraǵandyda toǵyz ret alaıaqtyq jasady degen kúdikpen 24 jastaǵy er adam ustaldy», - dep málimdedi Qaraǵandy oblysy PD bastyǵynyń orynbasary Ábil Ábildın.

Tártip saqshylary qaraǵandylyqtardy saq bolýǵa shaqyrdy. Eger sizge belgisiz nómirden qońyraý shalyp, qandaı da bir qarjylyq operatsııalar jasaýdy usynsa, ol adammen birden áńgimeni úzý kerek.

«Internet-alaıaqtarǵa aldanbas úshin telefonǵa belgisiz qosymshalardy júktemeńizder. Eger sizge begisiz adamdar qońyraý shalyp, bank qyzmetkerimin dep tanystyrsa, dereý jaqyn jerdegi polıtsııa bólimine nemese bank bólimshesine habarlasyńyz», – dep keńes beredi polıtsııa departamenti basshysynyń orynbasary.