Qaraǵandy oblysynda radıkaldy toptyń múshesi ózin ózi jaryp jiberdi - QR UQK
16:41, 29 Maýsym 2016
ASTANA. QazAqparat - 26 maýsymda Qaraǵandy oblysynyń Balqash qalasy men Gúlshat eldimekeninde qoldan jasalǵan jarylǵysh zattardy paıdalanyp, terrorlyq akti jasaýdy josparlaǵan radıkaldyq top qyzmetiniń joly kesildi, dep habarlaıdy QR UQK baspasóz qyzmeti.
Gúlshat kentinde lańkesterdiń birin ustaǵan kezde ol óz-ózin jaryp jiberip, alǵan jaraqatynan sol jerde kóz jumdy. Basqa qurbandar men zardap shekkender joq.
Toptyń qalǵan músheleri ustaldy. Jarylǵysh zat quramdaýyshtary, qarý, basqa da zattaı aıǵaqtar tárkilendi. Atalmysh oqıǵa boıynsha sot aldy tergeý bastaldy. Tergeý sharalary jalǵasýda.