Qaraǵandy oblysynda Prezıdenttik jastar kadrlyq rezerviniń kelesi kezeńine 500-den astam úmitker ótti
Memleket basshysy Qasym-Jomart Kemeluly Qazaqstan halqyna tuńǵysh Joldaýynda «arnaıy daıyndyǵy bar jas mamandardy memlekettik qyzmetke tartý» qajettigin aıtqan bolatyn.
Oǵan qosa, el Prezıdenti ulyqtaý rásiminde jastarǵa, onyń ishinde jas mamandarǵa úlken senim artatynyn aıtyp, Prezıdenttik jastar kadrlyq rezervin qurý týraly tapsyrma bergeni barsha halyqtyń esinde.
Osyǵan oraı elimizde Prezıdenttik jastar kadrlyq rezervine irikteý bastalyp ketti.
Búgingi tańda rezervke irikteýdiń 2 kezeńi aıaqtalyp, kelesi kezeńge 549 adam jiberildi. Jalpy, irikteýge qatysý úshin www.pkrezerv.kz saıtynda 7312 adam tirkeldi. Bir qýantarlyǵy, shetelde júrgen 46 Qazaqstan azamaty da irikteýge qatysýǵa nıet bildirdi.
Іrikteýdiń sharttaryna sáıkes, oǵan qatysý úshin Qazaqstan azamatynyń jasy 35-ten aspaýy, bilimi jáne jalpy jumys tájirıbesi 5 jyl bolýy qajet.
Ótken kezeńder týraly aıtatyn bolsaq, testileý ashyq túrde ótti. Ol qorytyndysyna yqpal etýge múmkindik bolmaıtyn jáne testileýdiń suraqtary men jaýaptary ózgertilmeıtin, arnaıy platformada ótkizildi.
Qazirgi tańda www.pkrezerv.kz saıtynda ekinshi kezeńniń qorytyndysy boıynsha aqparat ornalastyrylǵan, onda úmitkerlerdiń aty-jónimen qatar, ashyqtyqty qamtamasyz etý maqsatynda olardyń alǵan baldary kórsetilgen.
Kóp úmitkerlerdiń testileý kezeńderinen óte almaı qalýyna qaramastan, olar shektelgen ýaqyt arasynda sandyq jáne mátindik materıaldardy taldaý boıynsha úlken tájirıbe aldy. Bul irikteýge qatysý kóp úmitkerlerge ózin-ózi damytýǵa úlken sebep boldy.
Al kelesi kezeńge ótken úmitkerlerge óziniń jetistikterin, daǵdylaryn kórsetýge múmkindik týyndap otyr jáne barlyq kezeńderden ótken jaǵdaıda memlekettik basqarý jáne kvazımemlekettik sektor júıesin damytýǵa óz úlesin qosatyn bolady.
«Rezervke irikteý barysyndaǵy osyndaı testileýdi tapsyrý óte jaqsy tájirıbe boldy, sebebi, mundaı testileýdi iri kompanııalar azamattardy jumysqa alatyn kezde paıdalanyp keledi. Uıymdastyrýshylarǵa qyzyqty da ár túrli tapsyrmalarǵa jáne óz ózimizdi tekserýge múmkindik alǵanymyzǵa úlken alǵys aıtamyn», - deıdi Prezıdenttik jastar kadrlyq rezervine úmitker Orazbaı Murat.
Endi kandıdattardy kelesi - «Áleýetti baǵalaý» kezeńi kútip tur. Bul 3 deńgeıden turady: jobany kórsetý, esse jazý, quzyretterdi baǵalaý. Aldyńǵy eki deńgeı boıynsha irikteý onlaın túrde ótkiziledi, al sońǵy quzyretterdi baǵalaý deńgeıin tapsyrý úshin Nur-Sultan qalasyna kelýleri qajet. Kandıdattardyń quzyretterin baǵalaýdy «Assecment Ortalyq» (Assesment Center) ádisi boıynsha sarapshylar júzege asyrady.
Nátıjesinde, «Áleýetti baǵalaý» kezeńiniń qorytyndysy boıynsha eń joǵary ball jınaǵan kandıdattar Saraptamalyq komıssııanyń múshelerimen jeke suhbattasýǵa shaqyrylatyn bolady. Osy kezeńnen ótý úshin kandıdattarǵa kestege sáıkes belgilengen ýaqytta suhbattasý ótkiziletin ortalyqqa kelý qajet.
Saraptama komıssııasy ótkizgen suhbattasýdyń jáne kandıdattar týraly málimetterdi taldaýdyń qorytyndylary boıynsha Prezıdent janyndaǵy Jastar kadr rezervi jónindegi ulttyq komıssııanyń qaraýyna usynylatyn kandıdattardyń tizimi qalyptastyrylatyn bolady.