Qaraǵandy oblysynda ótken táýlikte 5 myńǵa jýyq adam vaktsına aldy

QARAǴANDY. QazAqparat – Ótken táýlikte Qaraǵandy oblysynda bes myńǵa jýyq adam ekpe aldy. Birinshi komponentpen vaktsınatsııalanǵandardyń jalpy sany 280 255 adamdy, ekinshisin ekkender – 161 050 adamǵa jetti, dep habarlaıdy QazAqparat tilshisi.

Densaýlyq saqtaý basqarmasynyń málimetinshe, ótken táýlikte 4 060 adam COVID-19 vaktsınasynyń birinshi komponentin aldy. Ekinshi doza – 823 adam.

«Oblysta koronavırýsqa qarsy vaktsınatsııa naýqany jalǵasýda. Tońazytqysh jabdyǵymen jabdyqtalǵan mamandandyrylǵan 115 egý kabıneti ashyldy. Vaktsınany óńirlerge jetkizý logıstıkasy pysyqtaldy. Halyqqa egov.kz-te jeke kabıneti jáne Damumed arqyly vaktsınatsııaǵa jazylý qoljetimdi», - dep atap ótti Qaraǵandy oblysy Densaýlyq saqtaý basqarmasynyń baspasóz qyzmeti.

Emhanalardaǵy vaktsınatsııa ortalyqtarynan basqa iri saýda ortalyqtarynda (Qaraǵandyda: «Taır», «Abzal», Global City, «Ýmaı», OÁD, «Álem», «GrandStor») egý kabınetteri ashyldy.

Aýyldyq eldi mekenderde halyqty vaktsınatsııalaý úshin jyljymaly medıtsınalyq keshender paıdalanylady.

Ónerkásiptik kásiporyndarda kóshpeli ekpe brıgadalary ımmýndaý júrgizedi, olardyń sany oblysta 45-ten asady.