Qaraǵandy oblysynda ormandaǵy órt jedel sóndirildi

ASTANA. QazAqparat – Qaraǵandy oblysynda ormandaǵy órt jedel sóndirildi, dep habarlady QR Tótenshe jaǵdaılar mınıstrliginiń baspasóz qyzmeti.

Baspasóz qyzmetiniń málimetterine qaraǵanda, 6 shilde kúni saǵat 11:25-te Qarqaraly memlekettik ulttyq tabıǵı parkiniń aýmaǵynda áýeden barlaý kezinde 0,001 ga alańda orman tósenishiniń janyp jatqany anyqtaldy.

Órt saǵat 12:50-de ulttyq park pen «Qazáýeormankúzeti» kúshteriniń kómegimen sóndirildi.

Órttiń aldyn - ala sebebi-naızaǵaı.