Qaraǵandy oblysynda ónerkásiptik qaldyqtar jol qurylysyna paıdalanylatyn boldy

QARAǴANDY. QazAqparat – Qaraǵandyda kásiporyndardan shyqqan ónerkásiptik qaldyqtardy oblys joldarynyń qurylysynda paıdalaný týraly memorandým jasaldy. Mundaı kelisimdi óńirdiń ekologııa departamenti, «QazAvtoJol» kompanııasy, ónerkásiptik kásiporyndar men jol kompanııalary jasasty, dep habarlaıdy QazAqparat tilshisi.

Jyl saıyn Qaraǵandy oblysynyń ónerkásiptik kásiporyndary 60 mln tonnaǵa deıin qaldyq shyǵarady. Olardy paıdaly qajettilikter úshin qoldaný maqsatynda 2019 jáne 2020 jyldary óńirdiń iri kompanııalary osyndaı memorandýmǵa qol qoıǵan bolatyn. Sonyń arqasynda 175 tonna ónerkásiptik qaldyq kádege jaratyldy. Bıyl memorandým aıasynda jol fırmalary «Jezqazǵan – Qaraǵandy» avtojolynyń qurylysynda 260 tonnadan astam qaldyqty paıdalanýdy kózdep otyr.

«Ónerkásiptik qaldyqtardy kádege jaratý, avtomobıl joldaryn salý maqsatynda paıdaly qazbalardy paıdalanýdy azaıtý, landshaft pen ekoortanyń tutastyǵyn saqtaý sııaqty problemalar sheshiledi. Bizdiń departamentimiz turaqty negizde qurylys kompanııalarymen jumys júrgizýde. Bolashaqta ónerkásiptik qaldyqtardyń úlken kólemin qurylysqa tartý josparlanýda», - deıdi Qaraǵandy oblysy boıynsha ekologııa departamentinde.