Qaraǵandy oblysynda Májilis jáne máslıhat saılaýyna komıssııalar quryldy

QARAǴANDY. QazAqparat – Qaraǵandy oblysynda máslıhat depýtattaryn saılaý boıynsha – 15 jáne Parlament Májilisiniń depýtattaryn saılaý boıynsha 2 aýdandyq komıssııa quryldy, dep habarlaıdy QazAqparat tilshisi.

Quramdar oblystyq máslıhattyń kezekten tys XXIII sessııasynda bekitildi.

«Saıası partııalar men qoǵamdyq birlestikterdiń usynystaryn qabyldaý 1-15 qańtar aralyǵynda júzege asyryldy. Oblystyq máslıhattyń Aýdandyq saılaý komıssııalaryn qalyptastyrý máseleleri jónindegi ýaqytsha komıssııasy kandıdattardyń usynylǵan qujattarynyń talaptarǵa sáıkestigin zerdeledi», – dedi depýtattyq ókilettikter, ádep, zańdylyq jáne quqyqtyq tártip máseleleri jónindegi turaqty komıssııanyń tóraǵasy Janna Sterger.

Jańa saılaý júıesi negizinde Parlament pen máslıhattardy qalyptastyrýdy qamtamasyz ete otyryp, partııalyq tizimder men bir mandatty okrýgter boıynsha saılaý ótkizý – el Prezıdenti Qasym-Jomart Toqaevtyń saılaýaldy baǵdarlamasyn iske asyrý jónindegi is-qımyl josparynyń tarmaqtarynyń biri. Merzim 2023 jyldyń maýsymyna deıin belgilendi.

Senatqa saılaý 14 qańtarda ótti. Kelesi kezeń – máslıhat jáne Májilis depýtattaryn saılaý.